Healthy Mix Foundation من برجوا ~

السلام عليكم ~
صباح / مساء الخير

::

Healthy Mix Foundation

BOURJOIS

تجربتي معاه ~

 قوامه حلو و خفيف على البشرة مايعطيك احساس ان البشرة مكتومة

سهل التوزيع ، مايتكتل ولا يتأكسد على البشرة ~

تغطيتة متوسطة ~ ثباته مو لديك الدرجة 4 - 6 ساعات تقريبا وبعدها يحتاج رتوش

بالذات في المناطق الدهنية - بشرتي مختلطة - 
عشان كدا ماحسه الخيار الأمثل لو بشرتك دهنية !

حبيت شكل علبته و طريقة استخدامه
لكن اللي ماعجبني فيه انه مايبان قد ايش الكمية الباقية في العلبة
يعني فجأة خلص وماكنت داريه لأنه مو واضح من برا ~ =\

له عدة درجات بس مو فاكرة عددها ~

درجتي N45 Beige 

::

بشكل عام حلو ~

ينفع لو تدوري على حاجة مايكتم بشرتك و تعطيك تغطية حلوة 

لكن زي ماقلت ما يناسب البشرات الدهنية ~

::

اخدته من سنتربوينت 

سعره في حدود 70 - 90 ريال تقريبا ~

::

تشآآو ~

الحليب المنظف من Farmasi ~

السلام عليكم ~

صباح / مساء الورد ياحلوين 

::

FARMASI

FACIAL CLEANSER MILK

حليب منظف للبشرة الجافة و الحساسة  من " فارمسي "
بخلاصة الورد و الصبار وفيتامين E
يعمل على تنظيف البشرة و ترطيبها في وقت واحد 

::

تجربتي معاه ~

 ينظف البشرة من الميك اب بشكل كويس
لكن ياخد شويه وقت  لو كنت مستخدمة منتجات " ووتر بروف " 

 ريحته حلوة ريحة ورد 3> 

قوامه خفيف لكن أوقات بعد ماامسح احس كانو تقيل على بشرتي 

يناسب الناس اللي بشرتهم جافة و تدور عن مزيل مرطب

فكرني بـ  مزيل الميك اب الوردي من غارنييه ~

بشكل عام اعتبره جيد ~

بس ماتوقع حأرجع أشتريه تاني قريب ~

::

متوفر في الصيدليات و السوبرماركتات الكبيرة
و سعره ماافتكر :$

::

تشآآو ~

عصبة الشياطين - للكاتب أسامة المسلم

السلام عليكم
صباح / مساء الورد ~

::

بوست اليوم عن رواية

" عصبة الشياطين - للكاتب أسامة المسلم "

الرواية هي الجزء التاني لرواية " بساتين عربستان "
وسبق كتبت عنها لو حابين تطلو على البوست ~

بساتين عربستان

::

 تكملة لأحداث الجزء الأول بعد ماالتقت العصبتين :عصبة أفسار و عصبة دعجاء و اتقاتلو ~الرواية تدور حول هنان و رغبتها في الإنتقام و سعيها لتجنيد عصبة شيطانية خاصة بها

مابغى احرق عليكم الرواية اكتر xD 

::

الرواية رآآئعة ~ تشدك من أول لصفحة لآخر صفحة 

 فيها عدة شخصيات و كل شخصية لها قصة منفردة تمام 

ومع كدا قدر الكاتب أنه يعطي كل شخصية حقها ، بأسلوب جميل 

كلمات الكاتب لها وقع 
مع انها رواية و غالبا الروايات مايكون فيها أشياء كتير تستحق الإقتباس 
لكن مع " أسامة " حتى حوار الشخصيات و كلماتهم لها وقع مؤثر !

حبيتها بقوة ~
ومارح اتردد اني اقرا أي كتاب للكاتب أسامة المسلم ~

تقييمي 5\ 5 

::

هنا بعض الإقتباست اللي عجبتني ~

::

لو قرأتوها شاركوني رأيكم فيها ~
واقترحولي كتب أو روايات متنوعه / عجبتكم D:

سلام ~

خلصناها و فضيناها ~ أرجع اشتريها أو لا ~

السلام عليكم ~
صباح / مساء الورد 

::

بوست اليوم خامس بوست في دي السلسلة ~
لو حابين تطلو على البوست اللي قبله ادخلو على الرابط  D:

خلصناها و فضيناها 4 ~

::

- صورة جماعية للأغراض - 

::

منتجات الميك اب 

-: من اليمين :-

ماسكارا كوفر قيرل

 جابتلي هيا اختي من امريكا ، الماركة مو متوفرة عنرنا على حسب علمي
حبيتها بقوة تطول الرموش و تعطيها شويه كثافة ، سواداها حلو
تنفع للإستخدام اليومي ~ 

حبيتها و حرجع اشتريها تاني 

::

فاونديشن Hello Flawless من بينيفت 

 قوامه خفيف و تمتصه البشرة  مايعطي احساس تقيل عليها
تغطيته متوسطة و تقدري تزيدي الكمية عشان تزيدي التغطية
بشرتي مختلطة وناسبني ~ و رح ارجع اشتريه تاني 
::

بودرة الحواجب من بودي شوب

مااستخدم غيرها لحواجبي ~ مرتاحة عليها وللآن مافكرت أجرب شي غيرها
كميتها كويسه و تجلس فترة طويلة
سعرها في حدود ال 90 ريال ~ و اكيد حشتريها تاني ~

::

بي بي كريم تارت 

نزلت عنه بوست منفصل " هنــــا "
رح ارجع اشتريه تاني 

::

مرطب شفايف من ديور 

لونه وردي فاتح بس على الشفايف يعطي لون حلو مع لمعة
 و شويه احساس بالإمتلاء
حبيته لكن في له بدايل بسعر أفضل 
::

-: من اليمين :-

سكرب من سوب & قلوري 

منتجات سوب & قلوري بالنسبة ليا عشق 3>
للآن ماجربت شي من عندهم وماعجبني ~ أشياءهم كلها دلع
وروايحها تجنن ~

::

كريم نيفيا للجسم بالمسك 

قوامه خفيف يمتصه الجسم بسرعه مناسب للصيف 
و ريحته حلوة و خفيفة 
ممكن ارجع اشتريه تاني ~

::

مزيل الميك اب السائل من غارنييه 

لطيف على البشرة و يمسح الميك اب بسهولة
حتى الووتر بروف  لكن ياخد شويه وقت 
اعتبره بديل كويس لـ بايوديرما ومناسب للبشرة الحساسة ~ واكيد رح ارجع اشتريه 

::

جلسرين  

استخدمته زمان وماعجبني ، حسيته تقيل على البشره و يكتمها
لكن جربته دحين و عجبني
مدري هما غيرو تركيبته و لا ايش ! =\
ترطيبه حلو و عالي ، وفي نفس الوقت مايعطي احساس تقيل على البشرة 
حبيته و رح ارجع اشتريه تاني ~
::

زبدة الكاكاو من NOW

نزلت عنها بوست قبل كدا " هنـــا "
مارح ارجع اشتريها تاني 

::

اخر فترة سرت احب استخدم الزيوت بعد الإستحمام
اخلط كم زيت مع بعض و احطها على جسمي ، و ياسلام على الترطيب D:
كلها من ايهرب ~

زيت الأفوكادو + زيت اللوز حبيتهم و رح ارجع اشتريهم تاني
لكن زيت الجوجوبا ماحبيته ولاقدرت اخلص العلبة حتى
ريحته جداً مزعجة و قوية =\

::

بكدا يكون انتهى البوست ~
ان شاءالله تكونو استفدتو 

يسعدني تشاركوني آرائكم في المنتجات لو سبق و جربتو شي منها ~

سلام 

بساتين عربستان - للكاتب أسامة المسلم

السلام عليكم 

صباح / مساء ~

::

بوست اليوم عن رواية

" بساتين عربستان - للكاتب أسامة المسلم " 

::

تشويقة " من الغلاف "

بعد فرعون موسى و خاتم سليمان

وقبل عيسى و سيد الأنام 

قبل الإسلام وقبل تاريخه 

و قبل النور و الصراط المستقيم

قصة لم يدونها التاريخ لكنها نقلت بالأثر من قاص لآخر .. 

سأدونها بين ورق بالكاد سيحتويها .. واتركها لاختبار الزمن .. 

أسامة

::

ملخص القصة ~

بشكل عام القصة تدور حول ساحرتين دعجاء و أفسار

كل وحدة منهم تسعى لتكوين عصبة  - مجموعة ساحرات - 

أفسار هدفها الإنتقام و الثأر أبوها 

و دعجاء هدفها تبني مكانة و قيمة للساحرات في المجتمع 

+ الرواية توضح قصة كل ساحرة من ساحرات العصبة ~

مافيها من خرافات قصص الرعب و السحر اللي كنت متخيلتها xD 

::

رأيي ~

أخدت الرواية من أختي ، ماكان عندي أي نوع من الحماس لما بدأت أقراها 

اتوقعتها زي القصص اللي منتشرة دي الفترة
خرافات و شوية طلاسم عن السحر وخلاص !

بس من أول صفحات شدتني ، و كل ماأقرا زيادة أحسها تجذبني اكتر
حسيت اني دخلت جوآ الرواية معاهم من الحماس

أحب لما الرواية تشدني لدرجة ماأوقف إلا وأنا مخلصتها 

قصص الشخصيات و تفاصيل حياتهم ، حبكة القصة و ترابط القصص

الأسلوب المشوق و خيال الكاتب ، ما أقدر أقول غير انها خطيرة ! 3> 

بس كان نفسي تنتهي ومايكون لها جزء تاني 

< ماحب القصص اللي تكون أجزاء -_- 

لكن أكيد ان شاء الله حقرا الجزء التاني قريب 3> 3>

تقييمي : 4.5 / 5

::

هنا بعض الإقتباسات اللي عجبتني ~ 

::

ان شاءالله البوست الجي حيكون في قسم البيوتي ~
حاسه اني من زمان مانزلت فيه شي ~ وآخر بوستاتي سارت كلها كتب xD 

||

يسعدني انضمامكم لأصدقاء المدونة من هنا 

سلام ~

اخلع حذاءك - للكاتب ياسر حارب ~

السلام عليكم
صباح / مساء الورد ~

::

بوست اليوم عن كتاب " اخلع حذاءك " للكاتب ياسر حارب ~

::

عن الكاتب " من موقع Goodreaders "

كاتبٌ مِن الإمارات العربية ، أحمل وطني في داخلي أكثر مما يحملني في داخله. 

لا أدعي بأني أحمل همّ الأمة، ولا أرنو إلى إصلاح المجتمعات، 

وكل ما أطمح إليه هو أن أعرف أكثر مما أتمنى، و لو قُدّر لي أن أعلم الناس شيئاً فأريد أن أعلّمهم كيف يفكرون.

::

ياسر حارب من الكتاب اللي ماأتردد في كتاب من كتبه
أسلوب خفيف و يدخل القلب ، عباراته بسيطة و تلامس الروح
نظرتة للأمور تفاؤلية حكيمة ~

الكتاب عبارة عن قصص و مقالات متفرقة ~ 

بعضها خاصة بالكاتب و بعضها من خياله 

على الرغم من بساطة أسلوبه إلا انه يعطيك جرعة عالية من التفاؤل و الأمل و الإيجابية
ممتع جداً ، كان نفسي ماينتهي xD

و حبيت الكتاب زيادة لأنه مقدمتة من الكاتب " باولو كويلو - مؤلف الخيميائي " 3>

اكيد انصح بقراءته ~ 

تقييمي : 4.5 / 5 

::

أكتر تعليق ضحكني على الكتاب 

واحد كاتب في موقع " good readers " من الأِشياء الحلوة انه اتعلم كيف تنكتب حذاءك بهمزة على السطر وهو طول عمره يكتبها " حذائك " xD 

::

هنا بعض الإقتباسات اللي عجبتني من الكتاب ~

::

شاركوني آرائكم في الكتاب لو قرأتوه
و يسعدني انضمامكم إلى أصدقاء المدونة من هنا ~

سلام ~

Lime Crime - Red velvet

السلام عليكم ~

صباح / مساء الجمال 

::

 - Lime Crime - Red Velvet 

::

أرواج لايم كرايم غنية عن التعريف ، و أشهر من نار على علم
اتوقع انا آخر بلوقر تكتب عنها xD

- اتأخرت لأني كل مره أقرا عنها ريفيو ، أعطيها فرصة تانيه وأجربها
بس خلاص كل مره نفس الإنطباع xD -
::

تجربتي :

اللون اللي عندي " Red velvet "
أحمر غني ، حبيت درجته مره علي طلعت " بيرفكت "~

أول ماتحطيه يآخد ثواني و ينشف اللون

الحمدلله ماجففلي شفايفي ، مع اني استخدمه اوقات بدون ترطيب ~

لكن مشكلتي معاه في الثبات ، ماحسيته ثابت أبدا ~ 

تقريبا ساعتين بالكتير و اللون يروح ومع الأكل كمان يخف و يروح أسرع
و يطبع على كل شي استخدمه =(

::

هنا صورة لشكل الفرشة 

زي ماهو واضح ، الفرشة صغيرة وبالتالي تستهلك كمية أقل من المنتج

بس في نفس الوقت حسيت توزيع المنتج يبغاله شوية دقة ~ 

حبيت شكل علبتها و حجمها ~ حسيتها أنثوية بكل تفاصيلها

::

متوفرة في موقعهم الرسمي

أو ممكن تطلبوها من متاجر الميك اب ~

 Lime Crime

::

يسعدني انضمامكم لقائمة أصدقاء المدونة من هنا

و شاركوني آرائكم و تجاربكم مع المنتج :)

سلام ~