خلصناها و فضيناها ~ ارجع أشتريها أو لا ~

السلام عليكم
صباح / مساء الورد ~

بوست اليوم هو البوست الرابع في سلسلة
" خلصناها و فضيناها ~ ارجع أشتريها أو لا "

تقدرو تشوفو الأجزاء الأولى من هنا ~

- 1 -
- 2 -
- 3 -

::

Nature's Bounty

سنفرة للوجه و الجسم بالمشمش 

يتكون من المشمش الجاف و قشر الليمون و زهور البابونج 
تقشيره متوسط مو قوي ولا خفيف ، مايجفف البشرة
تقريبا استخدمه مرتين - ٣ مرات في الأسبوع
من المقشرات اللي دايما ارجع اشتريها ، كميته كبيرة و سعره مناسب 

متوفر في السوبرماركتات الكبيرة و الصيدليات

::

Ionic clay mask 

قناع طيني يحتوي على معادن بحرية بالاضافة لحمض السالسلك 

يهدف لتنظيف البشرة ومسامها من الشوائب بعمق بدون تجفيف البشرة

تحطيه على بشرتك و بعد ١٠ دقايق تقريبا يبدا يتغير لونه و و ينشف 

ريحته مقبولة و حجمه صغير حلو للسفر
تقريبا استخدمه مرة في الأسبوع أو قبل المناسبات 

تنظيفه حلو و حتلاحظي الفرق في مناطق المسام
 لكن مااعتبره الأفضل ! وغالبا مارح ارجع اشتريه 

متوفر في بوتس 

::

Clean & clear - Morning energy - shine control

مقشر يومي بخلاصة الليمون و الفاكهة

غسول مقشر للبشرة ، قوامه زي الجل ، يتحكم بلمعان البشرة
خالي من الزيوت و  مليان بحبيبات التقشير

ريحته منعشه بالذات لما تستخدميه في بدايه اليوم
عن نفسي استخدمه يوم بعد يوم مو بشكل يومي
ناسب بشرتي و حبيته 

متوفر في الصيدليات و السوبر ماركتات الكبيرة 

::

Green tea facial foam 

غسول رغوي بالشاي الاخضر - للبشرة المختلطه

اول مااشتريته كان مغلف بنايلون ، عجبتني الحركة مره واهتمامهم بالتفاصيل 

غسول يومي رغوي ، خفيف و لطيف مره على البشرة
 فكرني برغوة النيم من همالايا لكنه الطف منه على البشره
استخدمه مره - مرتين في اليوم و ناسب بشرتي الحمدلله وماجففها ~

متوفر في ذا فيس شوب

::

Loreal Cleansing Milk 

حليب مزيل للميك اب من لوريال

حبيته كتير و رح ارجع اشتريه 

كتبت عنه تدوينه مفصلة لو حابين تشوفوها " هنــا "

متوفر في الصيدليات و السوبرماركتات الكبيرة 

::

LOVE SPELL COLLECTION 

مجموعة من فكتوريا سيكرت 

عباره عن عطر و لوشن و شور جل < ما صورته معاهم D:

دي اول مجموعة استخدمها من فيكتوريا سيكرت
تتكون من الخوخ و الكرز ، ريحتها منعنشه وفي نفس الوقت هاديه
حبيت احجامهم متوسطه و حلوة مررة للسفر
حبيتها مرره و تفكرني بذكريات جميلة 

::

بكدا يكون انتهى البوست ~
شاركوني تجاربكم مع المنتجات لو سبق و جربتوها

::

يسعدني انضمامكم لقائمة أصدقاء المدونة " هنــا "

سلام ~

مجموعة العناية من BURT'S BEES ~

السلام عليكم
صباح / مساء الورد ياجميلات ~

::

بوست اليوم عن مجموعة العناية من
BURT'S BEES 

ماركة Burt's Bees غنية عن االتعريف

مشهورة بمنتجاتها الطبيعية ، الخالية من السلفات و البارابين

المجموعة أخدتها من أمريكا ~

 حبيتها لأنه فيها 6 منتجات مختلفة بحجم ميني
فرصة اني أجرب منتجات أكتر و بسعر رمزي !

ودايما الخيار الذكي لما تجربو شركات جديدة انكم تدور على مجموعات زي كدا ~

||

المجموعة تتكون من ستة أشياء :

كريم للأقدام - 3 كريمات مختلفة لليدين - كريم للجلد حول الأظافر " الكيوتيكل "
ومرطب شفايف 

::

Coconut Foot Cream 

كريم الأقدام بجوز الهند ~ 

ترطيبه حلو لكن ماحسيته عميق زي أغلب كريمات الأقدام ~
ومع كدا تقيل على البشرة ، وكل ماكترتي منه يعطي احساس التدبيق

حاولي تستخدمي كمية قليلة جداً
ريتحه جوز هند قوية و فواحة ~

ماحبيته كتير ولا حسيته مميز ~

::

Honey & Grapeseed Oil Hand Cream 

كريم لليدين بالعسل و زيت بذور العنب ~

الكريم دا استخدمته مرتين يمكن وفي المرتين ندمت اني حطيته
ريحته قوية جداً و لا تحتمل ، كأنها ريحة دوا =\
ماقدر أحكم على ترطيبه ~ لأني مااستخدمته كويس

ماحبيته أبداً

::

Hand Slave + Lemon Butter Cuticle Cream 

اللي على اليمين كريم مرطب لليدين 
ريحته خفيفة و مقبولة ، ريحة شي طبيعي D:
قوامه في العلبه متماسك بس أول ماتمسكيه يدوب على طول في اليد
ترطيبه حلو ، يعطي احساس خفيف بالتدبيق على البشرة

::

اليسار زبدة الليمون للكيوتيكل - الجلد حول الأظافر " 

ترطيبها عالي ، نتيجتها حلوة و اعتبرها من أفضل منتجات المجوعة
 ريحتها ليمون على خفيف

||

حبيتهم الاتنين

 و حلوة أشكالهم مرة ، خفيفة و سهله تحطيها في شنطتك
لكن العلبة تطفش في الفتح =\

::

 ِAlmond Milk Beewax Hand Cream
كريم أو شمع لليدين بحليب اللوز ~

ريحته ريحة دوا على خفيف D: ، أهون من اللي قبله
قوامه تقيل كأنه زبدة أو حتى أتقل ~ يعطي احساس التدبيق على البشرة

مااستخدمه لوحده أبداً

احطه أول شي على يدي و أركز على مفاصل الأصابع و بعد أحط كريم اليد اللي فوق و كريم الكيوتيكل ~ حبيت نتيجتهم سوا أكتر 

و ماعندي روتين معين لاستخدامهم سوا ~ 

وقت ماحسيت يديني تعبانه و تحتاج ترطيب عالي , أو مره في الأسبوع 

::

Lip Balm with Pomegranate Oil
مرطب الشفايف بزيت الرمان 

طعمه مميز D: ، ترطيبه عالي و حلو 

حبيته 3>

::

شاركوني تجاربتكم مع منتجات الشركة  ~

ويسعدني انضمامكم لأصدقاء المدونة "هنا" 

و متابعة متجري على الانستاقرام Hala.Store@

سلام ~

BB Cream Garnier ~ للبشرة المختلطة و الدهنية

السلام عليكم 

صباح / مساء الورد ~

::

بوست اليوم عن 

BB Cream Garnier ~
Miracle Skin Perfecter .. Combination to Oily Skin

::

من الموقع ~

بي بي كريم غارنييه للبشرة المختلطة للدهنية  "مصحح البشرة السحري " يعمل على:

-  ترطيب البشرة و نعومتها لإحتواءه على الجلسرين 
- يزيد من تألق البشرة و إشراقها لإحتواءه على فيتامين سي 
- تغطية البشرة

متوفر بدرجتين ~

::

تجربتي معاه ~

زمان كنت استخدم بي بي كريم غارنييه العادي 

أول مااستخدمته حبيته لكن بعد كم إستخدام لاحظت انه بشرتي سارت تدهن بسرعة معاه

مع انه بشرتي مختلطة أقرب للعادية كمان ~

عشان كدا لما طلعو دا للبشرة المختلطة و الدهنية اتحمست أجربه

::

بالنسبة ليا استخدم الدرجة الفاتحة حاولت اوضحها في الصورة ماحسها تعتبر مره فاتحة !

قوامه سايل سهل المد على البشرة ، استخدم البيوتي بليندر لتوزيعه

تغطيتة خفيفة و يعطي مظهر حلو للبشرة أقرب للديوي ~

ثباته مو قد كدا ، ممكن تثبتيه بالبودرة لو حابه يثبت أكتر

الحمدلله ناسب بشرتي ، ماسببلي حبوب ولا حسيته دهنها ~

::

السعر ومكان الشراء ~

موجود في أغلب الصيدليات و السوبرماركتات الكبيرة
السعر: اعتقد في حدود التلاتين 

::

شاركوني تجاربتكم مع المنتج ~
ويسعدني انضمامكم لأصدقاء المدونة "هنا "

سلام ~

حليب مزيل للمكياج من لوريال ~

السلام عليكم ~
صباح / مساء الورد ياجميلات

::

بوست اليوم عن ~

L'OREAL
Rich Cleansing Milk Removes Makeup 
حليب مزيل للميك اب من لوريال 

عن المنتج ~

حليب غني منظف بتركيبة كريمية ، غني بالغليكوليس المقشر القوي الذي يعمل على إزالة المكياج و تنشيط البشرة

يساعد المنتج في :

- إزالة الشوائب من البشرة وبالتالي تحسين فعالية العناية بها
- تنشيط البشرة و ترطيبها و زيادة إشراقها

::

تجربتي معاه ~

المنتج قوامه حليبي خفيف على البشرة ، مو زي باقي الكريمات المنظفة العادية ، يرطب البشرة ومايكتمها
ريحته خفيفة و حلوة ~ ينظف الميك اب بفعالية 

 لما اكون حاطة ماسكرا و ايلاينر ، اعيد مرتين تقريبا عشان يمسح كويس

حبيته أكتر من منظف غارنييه الكريمي اللي كان المفضل عندي ~
من أفضل المنظفات الكريمية اللي جربتها  و برجع أشتريه تاني غالباً

::

مكان الشراء و السعر ~

موجود في الصيدليات و اعتقد السوبرماركتات الكبيرة
السعر مافتكر للاسف :$ بس اتوقع في حدود التلاتين ~

::

شاركوني تجاربكم لو سبق و استخدمتوه
ويسعدني انضمامكم للمدونة ، عشان يوصلكم كل جديد
v

 أصدقاء المدونة ~

سلام ~

Shea Butter - زبدة الشيا من ايهرب ~

السلام عليكم 

صباح / مساء الخير ياجميلات 

::

بوست اليوم عن واحد من مفضلاتي في الفترة الأخيرة 3>

Nubian Heritag
 - Row Shea Butter -

عبارة عن زبدة الشيا مع زيوت طبيعية و فيتامين اي تساعد في :

1- ترطيب البشرة و إعادة حيويتها
2- تقليل ظهور التجاعيد و علامات تمدد الجلد - الستريتش مارك -

::

تجربتي معاها ~

بشرة جسمي عادية ، واستخدمها بعد الشاور في أي وقت
في الشتاء كنت استخدمها على كل جسمي
و حالياً في الصيف استخدمها على الأماكن اللي تحتاج ترطيب عالي زي الركب و الأكواع ~

ترطيبها عالي مره و يطول في الجسم ، مو تقيله على البشرة أو تكتمها
ريحتها في البداية كنت استغربها بس بعدين خلاص سارت تعجبني و اصلا ماهي قوية

في الجو البارد تسير متماسكة زي مو واضح في الصورة
 بس اول ماتاخدي منها و تحطيها في يدك تبدا تدوب
اما في الجو الحار حتلاقيها سارت مويا  

حبيتها مره و ان شاءالله برجع اشتري منها تاني 3>

::

طلبتها من موقع ايهرب
http://www.iherb.com/

عندهم توصيل مباشر للسعودية
و ممكن أوفرلكم هوا لو حابين في متجري على الانستاقرام
Hala.Store@
سلام ~

تقييم/ من الذي حرك قطعة الجبن الخاصة بي ؟

السلام عليكم
صباح / مساء الورد ~

::

بوست اليوم عن كتاب

" من الذي حرك قطعة الجبن الخاصة بي "
 لـ سبنسر جونسون

::

الكتاب عبارة عن قصة قصيرة عن قزمين و فارين عايشين في متاهة و كل واحد منهم يدور عن قطع الجبن اللي تعطيهم السعادة

الجبن في القصة  شي متغير ، هو عبارة عن أي شي تبحث عنه في حياتك أو عملك ، والمتاهة هي المكان اللي قاعدين ندور على الشي فيه

كيف نقدر نتعامل مع التغييرات عشان نوصل للسعادة ~ و الراحة اللي نطمحلها

::

كتاب خفيف و ممتع جداً ، ماياخد وقت في القراءة لكن محتواه جدا جميل و مفيد
 يعطيك دفعة من الإيجابية و القوة لمواجهة التغييرات و الظروف حولك


أنصح بقراءته بالتأكيد ~

::

هنا بعض الإقتباسات من الكتاب ~

وآخر اقتباس حبيته مره 
يمكن هو تساؤل بسيط جداً ، بس لو فكرنا فيه حنلاقي أشياء نبغاها و مانعنا عنها خوفنا و ترددنا واننا شايلين هم المستقبل !
وعشان كدا متنازلين عنها أو متناسينها ~

::

شاركوني رأيكم لو قريتو الكتاب D:

 لو مااشتركتو في القيف أواي لسه ، تقدرو تشوفوه من هنا و تشتركو ^^متجري الإلكتروني + قيف أواي ~

سلام ~

متجري الإلكتروني + قيف أواي ~

السلام عليكم

صباح / مساء الخير ~

::

A DREAM COME TRUE

::

بوست اليوم غير عن بقية البوستات ~

عن حلم سار حقيقة ~ و ان شاءالله بقية الأحلام كلها تتحول لواقع

- السعادة هي جعل حلمك يتحقق -

قبل ماأبدا التدوين ، كان أمنيتي تكون عندي مدونة أدون فيها و أشارك غيري تجاربي و الأشياء اللي أحبها
مرت تقريبا سنة و أنا أأجل دا الحلم ، كل مره بعذر جديد
" ماعندي وقت ، ماعندي أشياء كفاية اتكلم عنها ، أخاف مااستمر " و لستة أعذار ما تنتهي وكل يوم يتأجل الموضوع لليوم اللي بعده

و أخيراً جا اليوم اللي قررت فيه إني افتح المدونة

و أبدأ التدوين ، ووقتها أقدر أحكم رح يمديني أكمل ولا لا ~

ماتتخيلو قد ايش كنت مبسوطة أول مافتحتها وأنا انسقها و أختار كل شي

و كمية الحماس في أول تدوينة

أحساس بالسعادة

وقتها قلت الحمدلله اني اخدت دي الخطوة و حققت دا الحلم رغم الوقت اللي أخده عشان يتحقق ~

::

- من الممكن تحقيق جميع أحلامك ، ان كنت تمتلك الشجاعة لتحقيقها -

من قائمة أحلامي الطويلة

انه يكون عندي متجر خاص فيا ~ و ليا فترة بأفكر أفتحه

و كالعادة كل يوم اقول بكرا و لسه ما جا الوقت المناسب

الين عرفت انه مافي شي اسمه ننتظر الوقت المناسب ، احنا اللي نصنع الوقت المناسب

و قررت أخيرا انه جا الوقت المناسب لتحقيق جزء من حلم جديد

::

Hallola Store

متجري الإلكتروني للمنتجات الجمالية  ~ حلم و سار حقيقة

حاليا صفحة على انستاقرام ، بس عقبال مااشوفه متجر على أرض الواقع 3> 3>

::

و بمناسبة افتتاح المتجر حابة أسوي قيف أواي لكم ياجميلات 3>

الشروط :

1- تكوني من متابعات المدونة ~
- لو ما كنت تتابعي المدونة لسه ، تقدري تتابعيها من الصفحة الرئيسية زي ماهو موضح في الصورة -

2- فولو لحساب المتجر في انستاقرام @hala.store

3- نزلي صورة القيف أواي في حسابك في الانستاقرام وحطيها في هاشتاق #Hala_store مع تاق لحساب المتجر

المشاركة مفتوحة لمتابعاتي من السعودية ، ان شاءالله المره الجية تكون لجميع الدول :*
تبدأ من اليوم 20 اغسطس الين نهاية الشهر يوم الاتنين 31 اغسطس و اختيار الفايزة حيكون عشوائي من الهاشتاق

طبعا الحسابات لازم تكون مفتوحة عشان اشوف مشاركاتكم ~

الحسابات الوهمية و حسابات المسابقات ملغية !

بالتوفيق للجميع ياجميلات ~

::

سلام ~

Benefit Tints + Sun Beam

السلام عليكم 

صباح / مساء الورد ياجميلات ~

::

بوست اليوم عن منتجات بينيفت 

Lip & Cheek Stain + Sun Beam

دي المجموعة اللي عندي 

3 ملونات للشفايف و الخدود و الإضاءة البرونزية المشهورة حقتهم 

::

Bene Tint 



لونه أحمر ، أحسه كأنه مويا ورد حمرا
خفيف مرره ، قوامه أخف شي بين التلات ألوان
يعطي لون أحمر على الشفايف و الخدود ~

::

Cha Cha Tint

لونه برتقالي بس لما احطه ماحسه يطلع برتقالي أبدا ولا حتى على كورال
أحسه مايل للأحمر ~ حبيته مرره أكتر واحد يمكن بينهم

::

Posie Tint  

لونه بينك زي مو واضح في الصورة 

لما تحطيه على شفايفك و خدودك يعطيك توريد جميل 

::

بشكل عام / حبيتهم مره 
ثباتهم عالي على الشفايف يعطوك لون حلو ~ لكن مايستمر طول اللون
تحتاجي تعيدي عليه كم مره ، ثباتهم يمكن ساعتين - 3 ساعات

لكن بالنسبة للخدود ثباتهم جدا عالي ~ يجلسو طوال اليوم ثابتين
و إزالتهم صعبة ، عشان كدا تحتاج توزيع سريع
جربت كم مره احط منهم على خدي بعدين أوزع بس مره مازبطت ~ يثبت على الخدود على الشكل اللي حطيته

أفضل طريقة للتوزيع :
اني احط منه على اصابيعي شويه و بعدين اوزعها على خدي
 بكدا يعطي توزيع كويس و حلو للون

الأحمر هو الوحيد بين التنتات اللي ماواجهت معاه مشكلة انه يبقع على خدودي لما احطه بالفرشه

::

Sun Beam 

إضاءة دهبية برونزية ، جميلة مرره ~ تعطيك لمعة حلوة و ناعمة 

تقدري تستخدميها على وجهك مناطق الإضاءة

وممكن كمان تضيفيها لكريمك المرطب و تستخدميها لجسمك لو حابة 

عيبها أنها مو ثابته ~ تقريبا ساعتين وأحس خلاص راحت لمعتها 

::

الأسعار و أماكن الشراء 

أخدتهم من سيفورا أون لاين 

Cha Cha + Posietint + Sun Beam 

كانو مع بعض في مجموعة

Bene tint 

كان ضمن واحد من بوكسات بينيفت 

و متوفرين في فروع سيفورا بس ماعرف لو موجودة بالحجم الميني أو العادي بس 

الأسعار مافتكرها للأسف ~

::

إن شاءالله تكونو استفدتو ~

سلام ~

تجاربي مع شامبوهات + شورجل الأطفال ~

السلام عليكم ~
صباح / مساء الخير

::

بوست اليوم ملخص تجاربي شامبوهات + شورجل الأطفال ~

::

شامبو و شورجل من جونسون 



أول مااتولد خلودي كنت استخدمه
خفيف و لطيف ~ عجبني فيه انه للشعر و الجسم 

وهو صغير احسه مريح بدل ماتستخدمي كم منتج ، تختصريها بمنتج واحد
ريحته حلوة و خفيفة

::

شامبو جونسون 



لما كبر شويه سرت استخدمله شامبو جونسون
و المنتج السابق اكتفيت فيه كشورجل

الشامبو حلو و اعتقد انه أشهر شامبوهات الأطفال
اللي ماعجبني فيه انه ريحته مره مو ثابته

بعد الترويش لو يلعب شويه ولا يسوي أقل حركة احسها تختفي =\
و مايبين في شعره ريحته شامبو ولا كأني روشته ~

::

شامبو Bubchen ~



أخدته على مدح أختي الله يسعدها ~
ومن أول استخدام وقعت في حبه 3> 3>

ريحته حلوة مره و تطول في الشعر ، الين انومه احسه فيه ريحة حلوة
صناعته ألمانية

و طبعا هوا الأفضل و اللي مازلت استخدمه للآن ~

::

بالنسبة للشورجل 

كنت مستمره على جونسون بس لما اشتريت الشامبو قلت اجرب شورجل من نفس الماركة


شورجل Bubchen ~



للأسف خيب توقعاتي
ماحبيته زي الشامبو ، ريحته كأنها توت بس مو توت حلو =\
و سايل مرره بزيادة كأنه مويا ~

لذلك رجعت استخدم شورجل جونسون وأشوفه الأفضل للآن

::



متوفرة في الصيدليات و السوبرماركتات الكبيرة

::

شاركوني تجاربكم مع أطفالكم ~
و تسعدني دايما متابعتكم للمدونة

سلام 

شاي البابونج للرضع ~

السلام عليكم

صباح / مساء الورد 

::

بوست اليوم لكل الامهات الجدد اللي بيعانو مع نونواتهم الصغار

بلسمير ~ شاي البابونج 

يحتوي على مستخلص زهرة البابونج 

مناسب للرضع و الأطفال 

خالي من الصويا و القمح و القلوتين و الألوان و النكهات الصناعية 

||

طريقة التحضير 

2ضيف ملعقتين صغيرة من الشاي لنص كوب مويا مغلية
وممكن تقديمه دافي أو بارد للطفل

::

تجربتي معاه ~

طبعا الدكتور قالي عليه ، لما قلتله على مشكلة الغازات و أحيانا الإمساك الله يكرمكم ، بالذات في الفترة اللي قبل التسنين ، طبعا وقتها كان لسه معتمد تماما على الرضاعة - قبل 6 شهور - 

و جربته و الحمدلله ماندمت ~

ماشاءالله خطيير، مايأخد كم ساعة الا و" خلودي " احسه مرتاح من الغازات تماما

طبعا ماكنت أعطيله هوا كل يوم , يعني لما أحسه يحتاجه على فترات متباعدة ~

و اعتبره المنقذ السحري D: 

::

متوفر في الصيدليات 

سلام ~

Volume Glamour Mascara

السلام عليكم 

صباح ، مساء الخير ~

::

بوست اليوم عن ماسكرا 

 VOLUME GLAMOUR .. BOURJOIS 

::

تجربتي معاه ~

- ماسكرا مكثفة للرموش

من طبقة وحدة تعطي لوك صباحي بسيط
وتقدري تحطي طبقتين أو تلاتة عشان توصلي لـ لوك  أكتر كثافة 

- الحلو فيها أنها مو تقيلة على الرموش ، ماتتكتل أو تتفتت بعد فترة

- فرشتها حلوة تفرد الرموش و ترفعها بشكل جميل

- ازالتها سهلة ، و دا من الايجابيات لو حتخليها ماسكرتك اليومية ~

أشوفها من أفضل الماسكرات اللي استخدمتها
و بعد ماجربتها استقريت عليها ، وسارت من مفضلاتي الدائمة  D:

::

السعر و مكان الشراء ~

متوفرة في فروع برجوا في سنتر بوينت
السعر ماافتكره للأسف :$

::

شاركوني رأيكم لو جربتوها ، و ايش ماسكراتكم اليومية المفضلة ~

سلام