السلام عليكم
صباح / مساء الخير
::
بوست اليوم بتكلم فيه عن ترويش النونوات
::
أول مااتولد " خلودي " في الأربعين ماما كانت تروشه في المغسلة
الله يخليلي هيا و يعطيها العافية 3> 3>
الله يخليلي هيا و يعطيها العافية 3> 3>
::
و على نهاية الأربعين بدأت أروشه
و الحمدلله تمت المهمة بنجاح و روشته في المغسلة و اتقنت المهمة xD
صح انك تحوسي شويه في مسكة النونو بس خلاص كم مره و تتعودي و يسير سريع سريع D:
::
بعد مارجعت بيتي استمريت اروشه في المغسلة كمان ~
كنت أحسه اسرع و اسهل ، خلاص وأنا شايلته بسرعه و انتهينا
بس لما بدأ يكبر و يتحرك ماشاءالله ، سار صعب عليا اشيله و اروشه xD
اشتريتله البانيو حق الأطفال اللي في الصورة
::
البانيو يستخدم لتلاتة مراحل :
الأولى لما يكونو صغار مره تسدحيهم فوق القماشة و تروشيهم
التانية النونو يكون تقريبا جالس بس مو تماما
التالتة لما يبدأو يجلسو خلاص
::
البانيو يستخدم لتلاتة مراحل :
الأولى لما يكونو صغار مره تسدحيهم فوق القماشة و تروشيهم
التانية النونو يكون تقريبا جالس بس مو تماما
التالتة لما يبدأو يجلسو خلاص
::
جربته كم مره ، ماعجبتني القماشة حسيتها مو آمنه و ممكن يطيح منها
بالذات لما بدأ " خلودي " يقلب من نفسه ، فبطلت استخدمه =\
بالذات لما بدأ " خلودي " يقلب من نفسه ، فبطلت استخدمه =\
وقلت أخليه على قدام لما يكبر شويه ~
::
المهم قررت مدري ليش متأخر اجرب الاسفنجه اللي عندي xD
اسنفجة ترويش النونوات 3> 3>
و جربتها ووقعت في غرامها
مافتكر من متى بدأت استخدمها يمكن 3 شهور ونص ^^
جداً مريحه و عملية ، ومقاسها مناسب
مو انها يدوب على قده زي القماش
مو انها يدوب على قده زي القماش
بعد كل استخدام اعصرها ، و اخليها تنشف لوحدها ~
يمكن الشي السلبي فيها انها ممكن تجمع بكتيريا بس تقدري تغيريها كل فترة وخلاص D:
::
استمريت استخدمها الين سار عمر " خلودي " 7 شهور
اخليه اول الشور جالس و نلعب شويه ، بعدين امدده و اروشه خلاص ~
::
على عمر الـ 7 شهور رجعت استخدم البانيو ، وهوا جالس طبعا
نعبيه مويا نلعب شويه بعدين اروشه ~
بس ما جلست استخدمه كتير ، احس شغلته شغله
احطه و بعدين افضي المويا و اشطفه كل مره
::
سرت اجلسه في البانيو العادي حقنا و معاه ألعابه
وياخد راحته في المكان لأنه أوسع ، ومافي بانيو يتشال ولا شي :D
والحمدلله الوضع تمام ~
||
لو كنت أم جديدة اشتري الإسفنجة رح تعجبك و حتدعيلي ان شاءالله ;)
البانيو عن نفسي ماحسيته نفعني مره , و ندمت اني اشتريته ~
::
لو كنت أم جديدة اشتري الإسفنجة رح تعجبك و حتدعيلي ان شاءالله ;)
البانيو عن نفسي ماحسيته نفعني مره , و ندمت اني اشتريته ~
::
بانيو الأطفال : تويز ار اس / 120 - 170 ريال تقريبا مو فاكره بالتمام
الاسفنجة : موجودة في سنتر بوينت و ماعرف بكم سعرها :$
::
ان شاءالله يكون عجبكم البوست و استفدتو ~
شاركوني قصصكم مع ترويش أطفالكم 3>>
سلام ~
