THE SCRUB OF YOUR LIFE - سوب & قلوري

السلام عليكم ~

صباح / مساء الورد

::

بوست اليوم عن واحد من مقشرات " سوب & قلوري " الجميلة ~

THE SCRUB OF YOUR LIFE

Soup and Glory

هي شركة بريطانية ، سبق و نزلت بوست عن بعض منتجاتهم اللي جربتها

طبعاً هي وحدة من البراندات المفضلة عندي  3>

<  شكل المنتجات لوحده يخليكي تحبيها اصلاً xD

هنا البوست القديم لو حابين تشوفوه D:

Soap and Glory mini'z

::

THE SCRUB OF YOUR LIFE

السكرب قوامه تقيل زي الجل ، وفيه حبيبات التقشير بلون وردي بكمية مناسبة

لما تفركيه على جسمك يطلع زي الصابون

ماتحسيه سكرب قوي على البشرة مع اني اشوف انه يقشر بلطف و عمق في نفس الوقت

وبعد الإستخدام تحسي بشرتك ناعمة 3>

::

حسب الموقع

المقشر يجمع بين " اليوسفي ، الخوخ ، الفراولة ، الورد ، الياسمين ، العنبر ، المسك و الفانيليا "

< مدري كيف كل دا مع بعض xD

بس ريحته جميلة جداً ، تحسي بالدلع وانتي بتستخدميه زي بقيه منتجاتهم :$

::

طريقة الإستخدام:

يفرك على الجسم مع التركيز على المناطق الخشنة ~

عن نفسي افركه بيدي و بعدين استخدم اسفنجه بودي شوب الصغنونة D:

::

اشتريتها و ماعرفت استخدمها في ايش xD ، حسيتها خشنه على الوجه -_-"

و جربتها على الجسم مره و عجبتني 3>

صح صغيرة و تاخد وقت ، بس احسها مناسبة للتقشير يعني ماهي ناعمة زيادة و لا خشنة

وتقدري تتحكمي فيها بسهولة و تمري على كل الجسم

بإختصار حبيت استخدامها مع السكربز اكتر شي  3>

::

أماكن الشراء

المقشر من بووتس - الإسفنجه من بودي شوب

الأسعار مو فاكرتها للأسف =|

::

بكدا يكون انتهى البوست ، ان شاءالله يكون عجبكم و استفدتو منه

لو جربتو شي منهم شاركوني تجاربكم ~

و تسعدني متابعتكم ليا في :

تويتر : Rozalinda90

انستاقرام : Rozalinda90

سلام ~

 

 

شمعة BBW لذهن صافي و متجدد ~

السلام عليكم

صباح / مساء الخير ياحلوين

::

بوست اليوم عن وحدة من شموع BBW - باث اند بودي ووركس ~

Stress Relive - Eucalyptus Spearmint

طبعا شموع باث اند بودي معروفة بروايحها الجميلة و المنوعة 3>

من أجمل الشموع الموجودة في السوق ~

::

فكرة الـ لاين دا انهم مسوين 4 مجموعات كل وحدة بلونومخصصة لشي معين :

الأخضر بالنعناع و الكافور تصفية الذهن والتخلص من الإجهاد

الأحمر بالفانيليا و الياسمين لتغيير النفسية و الإحساس بالثقة

الأزرق بالـ لافندر و الفانيليا لتسهيل النوم والاسترخاء

البرتقالي بالبرتقال و الزنجبيل للتخلص من الضغط و تجديد الطاقة

::

طبعا لأني من الناس اللي تقدر الإسترخاء أول شي جا في بالي أجرب اللون الأخضر

اتخيلت اشغلها بعد الدوام و استمتع بيها 3> 3>

الحقيقة لما شميتها في المحل ماجذبتني الريحه كتير بما انه الروايح هناك منووعه و جميييله

يعني حسيت في روايح أجمل ، بس عشان أبغى اجرب " الأروماثيرابي  - المعالجة بالروايح - " اخدتها :D

من أول مرره شغلتها الحقيقة وقعت في حبها

من جد تخليكي الريحة تخليكي مرتاااحة و مافي شي يشغل بالك3>

ولو بعد دوام ولا كرف شغل ~ ولا عند المذاكرة

تحسي من جد ماتحتاجي غير شمعة و مكان هادي وخلاص 

طبعاً باقي شموع باث اند بدي ريحتها قوية و تنتشر في المكان D:

أكيد رح اشتري منها تاني و أشياء تانيه غير الشمعة والمجموعات التانية كمان ان شاءالله  3>

السعر : 45 ريال

::

هنا المجموعة كاملة و مسوين عليها تخفيض حالياً

Eucalyptus Spearmint

||

بكدا يكون انتهى البوست ~ ان شاءالله تكونو روقتو عليه

تسعدني متابعتكم في تويتر Rozalinda90@

وشاركوني آرائكم و ايش الشموع اللي جربتوها و عجبتكم 3>

مع السلامة (F) ~

CHANNEL - LE BLANC - SERUM

 

 

السلام عليكم

صباح / مساء الورد ياجميلات D:

كل عام والجميع بخير ، وان شاءالله السنة الجديدة تكون جميلة و سعيدة للجميع يارب

::

بوست اليوم عن سيرم LE BLANC من شانيل ~

WHITENING CONCENTRATE CONTINUOUS ACTION TXC

حسب موقع الشركة :

السيرم اخد 9 سنوات  من الدراسات و العمل عشان يسووه مجموعة من الخبراء اليابانيين و الفرنسيين مصنع خصيصا للبشرات الآسيوية ، يحتوي على مادة TXC اللي تساعد في :

- تصحيح التصبغات السوداء و منع تكوين تصبغات جديدة في البشرة
- يستهدف 6 عوامل حيوية عشان تنظم تفاعلات زيادة التصبغ في الجلد

- إضفاء الإشراق على البشرة

::

TXC

مشتقه من Transexamic acid ، هي أول مادة فعالة مسجلة في اليابان تعمل على أضفاء الإشراق على البشرة و التألق

تركيب المادة يساعدها انها تعمل لمدة 12 ساعة ~

تحتوي المادة على مكونات تشتغل عن طريق:

- تثبيط ( Tyrosinase ) وهو إنزيم ضروري في صناعة الميلانين

- تقليل ( Prostaglandins & Arachidonic acid ) وهي مواد مهمة في صناعة الميلانين في الجلد

يعني بصورة عامة تشتغل على تقليل إنتاج صبغة الميلانين في الجلد
عشان تفتح البشرة و تقلل التصبغات السودا فيها

::

يستخدم مرتين في اليوم / صباحاً و مساءً على بشرة نظيفة

تحطيه مع مساج خفيف للوجه و محيط العينين  ~

::

 

تجربتي معاه :

السيرم قوامه خفيف ، سهل التوزيع على البشرة و سريع الإمتصاص

ريحته لطيفة و خفيفة ~

جلس معاها تقريباً 4 شهور ، استخدمه يومياً مرتين في اليوم

حبيته لاني حسيت بشرتي ارتاحت معاه ، يخليها ناعمة  و مشرقة لكنه تأثير مؤقت بس

بالنسبة لتصبغات البشرة ماعندي غير الهالات يمكن خففها بدرجة بسيطة
اتوقعت منه اكتر من كدا الصراحة  مقابل السعر =\

بعض الريفيوز في النت يقولو انه ساعدهم في تخفيف آثار الحبوب بس ماعرف لاني ماأعاني من دي المشكلة الحمدلله ;)

::

HYDRA BEAUTY CREME

 

كريم ترطيب للبشرة يحتوي على زبدة الشيا و مشتقات من زيت الكانولا

دا عينة طبعا ، و البنوتة اللي اشتريت منها كانت خطيرة ماقصرت

اعطتني 10 حبات تقريباً بعد مااشتريت السيروم  D:

الكريم تقيل ، ترطيبو عالي ، و ريحته جميلة 3>

بس عشان بشرتي مختلطه احس ترطيبو كان زيادة على التي زون وماتمتصه المنطقة بسرعة

وفي الموقع مكتوب مناسب للبشرة الجافة و العادية  ~

::

الأسعار :

السيرم الصغير: 680 ريال تقريباً / الكبير- في الصورة -: 845 ريال

الكريم: 400 وشويه و طبعا زي ماقلت اللي في الصورة هنا سامبل ;)

مكان الشراء: دبنهامز - جدة

::

ان شاءالله يكون عجبكم البوست ~

تسعدني متابعتكم ليا في تويتر Rozalinda90@

و مشاركة تجاربكم و آرائكم D:

سلام (F) ~

مغذي الرموش من MAVALA ~

السلام عليكم

صباح / مساء الورد ^^

::

بوست اليوم عن منتج مافالا الشهير

Mavala -  Double Lash / Double Clis  

 

هو عبارة عن مغذي للرموش + يحتوي على بروتينات و مواد مغذية طبيعية

تعمل على تحفيز نمو الرموش وبتساعد في تقوية الرموش و تكثيفها ، بالإضافة إلى حمايتها من التساقط  ، وكمان ممكن يستخدم للحواجب ~

::

 

المنتج لونه ابيض بس على الرموش شفاف

فرشته زي فرشة الماسكرا و علبته قزاز

طريقة الإستخدام :

ينحط يومياً في الليل على رموش نظيفة - أو الحواجب - بنفس طريقة الماسكرا

::

 

تجربتي معاه ~

لو كان في منتج اقدر اقول عنه سحري ، راح اختاره بدون تردد

استخدمته للرموش بس لمدة اربعة شهور تقريباً ، و حاسه رموشي فرقت عن اول

سارت اقوى و أطول شويتين و حتى لما احط عليها الماسكرا تطلع أجمل 3> 3>

الشي الوحيد اللي قاهرني فيه ان العلبة مغطية بالورقة و ماتقدري تعرفي قد ايش باقي xD

بس مو مشكلة ، عن نفسي اعتبره شي ضروري في روتيني وماتوقع رح استغنى عنه D:

::

 

معلومات الشراء ~
المنتج متوفر في قزاز ، و سعره في حدود الأربعين

::

ان شاءالله تكونو استفدتو و عجبكم البوست ~

ويسعدني تشاركوني تجاربكم لو جربتو المنتج (F)

سلام  

Cetaphil - Moisturising Lotion

  

 السلام عليكم

صباح / مساء الخير ~

بوست اليوم عن لوشن " سيتافل " المرطب

 

قبل فترة جاتني زي الحساسية في بشرتي مع شويه جفاف

عشان كدا وقفت اللوشنات العطرية اللي بستخدمها ، و دورت على لوشن مرطب وغير عطري

وبدأت استخدم الشي الخطير دا 3> 3>

طبعا منتجات شركة سيتافل معروفة

طبية - غير عطرية ، و ينصح بها اغلب اطباء الجلدية

الشي اللي تطمح انو توفرو الشركة و توعد بيه هو

~ البشرة الصحية : لكل عمر و كل مرحلة و كل يوم ~

 

اللوشن يستخدم للوجه و الجسم لجميع أنواع البشرة

قوامه متوسط ، ويٌمتص بسرعه و يترك البشرة مرطبة ~

::

حبيتو كتير و سار صديقي الجديد 3>

الحمدلله اترطبت بشرتي و اختفت الحساسية D:

السعر : 18 دولار = تقريباً في حدود الستين ريال

ومتوفر في أغلب الصيدليات

::

سلام ~

Beauty Blogger Tag

السلام عليكم ~

بوست اليوم عبارة عن " بيوتي بلوقر تاق " D:
اختارتني الجميلة
@Fashnana

::

 

القوانين :- التصريح بان التاق من ابتكار the beau bow

- أختار 5 بيوتي بلوقرز للمشاركة في التاق

- أعنون الموضوع باسم التاق

::

1) سمِ روتين جمالي نادراً تسويه؟
ماسكات لشعري

2) هل غسل فرش المكياج حاجة دورية بالنسبة لكِ ؟
اغسلها حسب استخدامي ليها

3) قد ايش تقعدي بطلاء أظافر مشوه؟
ماحب اجلس بمناكير مشوه =(

4) قد ايش تؤجلي شراء أو استبدال مستحضر بالرغم من مدى حاجتك إليه ؟
ماقد احتجت شي ضروري ، غالباً يكون عندي بديل ليه

5) ايش هي أسوأ عادة جمالية لكِ؟
لو حاطه ميك اب خفيف ، اعيش حياتي و انام بيه كمان بدون ماامسحو :$

6) سمي حاجة غير متعلقة بالجمال دايماً تؤجليها؟
قراءة الكتب :/

7) لمن مخططة تخرجي ، هل تستعدي من بدري ولا في آخر لحظة؟
على حسب الخرجة ، بس غالباً من بدري

8) تقدري تلتزمي بفكرة انك تمنعي نفسك من النزول للسوق و الشراء؟
يب ، بس لاتطول الفترة اهم شي xD

9) قد ايش مجموعة مكياجك و مناكيراتك مرتبة؟
مرتبة D:
الاشياء اللي احبها دايما احافظ عليها مرتبة 3>

10) أطول فترة قعدتِ فيها بدون ماتكتبي بوست عالبلوق تبعك؟
تقريباً شهر


::

خلصت البوست ~
البلوقرز اللي رح اختارهم بعدي من تويتر :D
mimizstyle@
@simplebeautyG
@alanoudbeauty
@zekraalsolami
@ab00la
سلام ~

Pink Sugar ~ Aquolina

السلام عليكم ~

صباح / مساء الورد (F)

::

بوست اليوم هوا اول بوست في شهر اكتوبر ~ حبيت اخليه وردي عشان الشهر الوردي

تضامنا مع حملة سرطان الثدي ، طبعاُ اهم خطوة في العلاج هو الكشف المبكر ~

وكل ما اتقدم العمر تزداد أهمية الفحص الروتيني
الله يبعد الشر عننا و عن جميع المسلمين يارب ~
 

::

البوست عن واحد من عطوراتي الجميلة اللي وقعت في غرامها من يوم شفتها 3>

~ PINK SUGAR ~

اول ما طلع كان قبل كم سنة شفتو في النت ~ و من شكلو حسيت اني حبيتو على طول D:

وقتها للأسف ماكان موجود في السعودية لسه =(

بس جلست وراه اليين جبيتو الحمدلله 3> 3>

::

 

انطباعي الأول عن العطر ~

اول ماحطيتو حسيت ريحتو غريبة شويه مو زي الروايح المتداولة

بس خليتها شوية الين هديت سارت جميييلة 3> 3>

من مجموعاتي المفضلة دايماً ~ مميزة وحيوية ، تحسسك انك أنثى طفولية  3> 3>

::

 

العطر ~

ريحتو حلاوة قطن مع مزيج من الفانيلا و الكراميل

ريحة جميلة و ثابته - ثباتها عالي - ، قوية وفي نفس الوقت مو صاخبة ولا من الروايح المزعجة

تعطيك احساس بالحياة  D:

:: 

 

اللوشن ~

خفيف مرره و سايل اكتر من بقيه اللوشنات

ترطيب خفيف + استخدامو مع العطر يثبت الريحة اكتر

::

طبعاً حاليا موجودة في سيفورا

وفي منتجات غير اللوشن و العطر زي زيت المساج وبودرة للجسم

::

بكد يكون انتهى البوست ، ان شاءالله يكون عجبكم

- لو وحدة جربتو قبل كدا ياريت تشاركني رأيها -

سلام ~

Cherry Blossom - BBW

 السلام عليكم ~

صباح / مساء الخير على الجميع

بوست اليوم عن مجموعة

Cherry Blossom  من Bath & Body Works

::

أول شي كالعادة موجز سريع D:

Bath & Body Works

عبارة عن سلسلة متاجر أمريكية لبيع (منتجات الاستحمام والعناية - العطور- الكريمات - الشموع ). أول متجر فتح كان عام 1990 و بعد كدا بدأت تتوسع و تتنشر في أمريكا و كندا وبعدها باقي المناطق و المدن ، الين وصلت لإنتشار اللي نشوفو اليوم

::

دا المكان من أماكني المفضلة لما إبغى اشتري مجموعات جديدة

روايحه جميلة و خياراتو كتيرة ~ يعني أكيد تطلعي وانتي عاجبك شي إن شاءالله

طبعاً في المحل تقدري تشتري المنتجات إما شكل قطع متفرقه أو مجموعة جاهزة و بسعر اقتصادي أكتر

::

 Cherry Blossom - Red Plum and Soft Musk

Mini Collection

 

جميلة المجموعة و لطيفة من جد 3>

ريحتها ريحة ورود فرش و في نفس الوقت هادية ~ ومو من الروايح القوية الصاخبة  D:

دي المجموعة مكونة من :

اللوشن - الشور جل - بخاخ الجسم

::

 

اللوشن ~

يحتوي على زبدة الشيا وزيت الجوجوبا و فيتامين E

يتمتصه البشرة بسرعة و يرطبها ، ترطيبو متوسط مو عالي لأنو في النهاية لوشن D:

::

 

الشاور جل ~

نفس الشي يحتوي على زبدة الشيا و فيتامين E

لطيف على البشرة مايجففها ~ يعطيها ترطيب بسيط

::

بخاخ الجسم ~

طبعاً اللمسة الأخيرة ~ الريحة زي ماقلت في البداية ناعمة و هادية

::

الثبات متوسط للمجموعة

سعرها مافتكر للأسف يمكن حدود الـ 50 ريال مو فاكرة :|

أسعار القطع مفرقة :

اللوشن : 25 ريال

الشاور جل : 25 ريال

بخاخ الجسم : 30 ريال

::

و بكدا يكون انتهى البوست , ان شاءالله يكون عجبكم ;)

هنا موقع المكان على النت لو حابين تاخدو فكرة أو تشترو أونلاين

Bath and Body Works

سلام ~

سوب & قلوي ~ Soap & Glory mini products

السلام عليكم
صباح / مساء الورد ياجميلات (F) ~

::

بوست اليوم حيكون عن سوب اند قلوري 3> 3>
الماركة الدلوعية الجميلة ~ ماتوقع في احد جربها و ماحبها 3>



موجز سريع ~

سوب اند قلوري اصلها ماركة بريطانية ، لصاحبتها Marcia Kilgore
اللي كانت تمتلك محل السبا الشهير Bliss ، تستقبل في عامة الشعب + المشاهير ومنهم
( Madonna, Demi Moore, Calvin Klein, Cameron Diaz )
كانت خبيرة بشرة ممتازة ، تعرف كل بشرة و طريقة التعامل معاها و الشي اللي يناسبها D:
بعدها أنشات سوب اند قلوري ~
منتجات جميلة متنوعة لـ الإستحمام و العناية بالبشرة و الجمال ~

::

البوست دا بس للمنتجات الصغيرة ~
وان شاءالله حسوي بوست تاني بباقي المنتجات D: ~

::



هنا الكوليكشن كلها ~
شايفين كيف جميلة و اشكالها كيوت 3> 3>

::




Flake Away

المقشر الجميل دا من أشهر منتجات سوب اند قلوري 3>
يحتوي على ( زبدة الشيا - زيت اللوز الحلو - مسحوق حبوب الخوخ - سكر - ملح البحر )
يقشر الجسم + يرطبو في نفس الوقت مو زي باقي المقشرات
و يعطيه نعومة + ريحة جميلة 3>
أكيد حرجع أشتريه تاني ، والحجم الكبير كمان 3>

::



Clean On Me

شور جل يحتوي على ( كريم للجسم - خلاصة قشور اليوسفي )
لما تستخدميه تحسي بالدلع والإنتعاش والنعومة 3>
في قائمة المفضلات حقتي ، اتوقع حجرب اشياء تانية و بعدين ارجعلو D:

::



The Daily Smooth

زبدة للجسم للإستخدام اليومي يحتوي على ( زيت ثمار الورد - زبدة الكاكاو )
ريحتو خفيفة و هادية - مافيها ريحة الكاكاو القوية (a)
قوامو تقيل شويتين بما انو زبدة ، بس مو تقيل زي بقية الزبدات يعني تقريباً بين الكريم و الزبدة
ترطيبو متوسط إلى عالي و تمتصو البشرة بسرعة

جميل جداً للشنطة ، حبيتو و حرجع اشتريه تاني بإذن الله ~

::



الأسعار ومكان الشراء :

كل واحد منهم بـ 18 درهم
اخدتهم من بوتس - مطار دبي
واكيد موجودة في فروع بوتس التانيه ~

::

بكدا يكون انتهى البوست
إن شاءالله يكون عجبكم واستفدتو منو 3>

هنا موقع سوب اند قلوري لو حابين تتفرجو على المنتجات و تاخدو فكرة ~
Soap and Glory

سلام (F) ~

منتجات لش ~ Lush Products ~

السلام عليكم

صباح / مساء الخير ياجميلات

من زمان على البلوق ، الفترة اللي فاتت ماشاءالله كانت صاخبة بشكل جميل بعد الزواج 3>

 بس اخيراً وصلنا نيوزيلندا بالسلامة الحمدلله (A)

 

::

 

 بوست اليوم حيكون عن منتجات لش الجميلة ~

المكان دا بالنسبة ليا عششق 3> 3> ماقدر اقاوم ريحتوو لما امر من عندو xD

 

 

 

طبعا اللي يميز لش عن باقي الشركات

انهم يستخدمو مواد طبيعية ماتحتوي على مشتقات الحيوان لانهم ضد التجارب على الحيوانات

::

هنا الكوليكشن كاملة D:

::

 

أول شي شامبو BIG من أشهر الشامبوهات عندهم

بأملاح البحر ، الإحساس + الريحة شي خطيييير 3>

الشامبو ينظف الشعر تنظييف عميق ويعطي احساس بالكثافة

بعد ماتغسلي شعرك حتحسي بنظافة و انتعاش و كثافة

ممكن تحسي بالجفاف خاصة لو نوع شعرك جاف فحاولي ترطبيه أو تستخدمي معاه بلسم

ماينفع يستخدم يومياً لأنو يجفف الشعر، انا استخدمو مره في الأسبوع 3>

 

::

دا ماسك للوجه < انا شلت الأوراق من العلبة لانو خلص :$

لش عندهم ماسكات مختلفة حسب نوع البشرة

لو انتي من النوع اللي يكسل يسوي ماسكات فـ دا شي جاهز و مريح D:

الشي الجميل فيه انو من مواد طبيعية و تحسي بفعاليتها على البشرة

لكن مشكلتها انو تستخدميه لمدة اسبوعين أو تلاته تقريبا 3 مرات في الأسبوع

و بعدها خلاص تنتهي مدته ، واهم شي يتحفظ في التلاجة بعد ماتنفتح العلبة

::

 

مقشر الشفايف الشهير مع زيت الجوجوبا ، لطيف و شكلو جميييل 3>

في منو عدة نكهات ، حقي بالنعناع

يقشر الشفايف وفي نفس الوقت مايخليها جافة عشان الزيت

بس الأفضل انك طبعا ترطبيها بعد التقشير

ممكن تصنعي بديل له في البيت بالسكر و الزيت ، موجودة الطريقة على اليوتيوب

::

 

حبوب تنظيف الأسنان - بديل المعجون

تحطيها في فمك و تكسريها و بعدها تفرشي بالفرشة عادي و تطلع رغوة

طبعا ماتغني عن المعجون في البيت ، بس جميلة تحطيها في شنطتك عشان تفرشي في أي مكان

في منها عدة نكهات برضو D:

::

 

أخر شي ، الحاجة اللطيفة دي

تستخدم لون للشفايف و بلشر و كأني افتكر انو كان مكتوب شدو كمان xD

جربتو للشفايف جميل و توزيعو سهل و عجبني أكتر كبلشر أو أساس للبلشر 3>

ثباتو مو كتيير للأسف تقريبا ساعتين ~

::

هنا موقع لش لو حابين تاخدو فكرة عن المنتجات أكتر أو تشترو أون لاين - حسب الدولة اللي انتي فيها

LUSH

بكدا يكون انتهى البوست D:

ان شاء الله يكون عجبكم و استفدتو منو

سلام ~

حفلة توديع العزوبية ~ My Bridal Shower Party ~

السلام عليكم ~

صباح / مساء الورد (F) 

::

بوست اليوم عن " البرايدل شور بارتي " حقتي :$

اللي كانت مفاجأة من عيلتي الجميلة 3> 3> الله يخليهم ليا يارب

وطبعاً البوست متأخر بما أنو زواجي باقيلو أسبوع تقريباً إن شاءالله :$

- الله يتمم على خير يارب -

::

ثيم الحفله كان بينك و موف / مقتبسه من شخصيتي الديزنية المفضلة
 " Rapunzel " من Tnagled ~ 

::

هنا الفستان و طوق الورود للشعر و المسكة :$ 

تفاصيل أكتر ~

::

صورة أقرب للمسكة  (F) 

::

باب الغرفة ~

::

البالونات ~ كل شي موف و بينك 3> 

::

العريس و العروسه :$ 

::

توزيعات للحاضرين ~

::

هدايا بسيطة للفايزين في الألعاب
عباره عن مبرد أظافير وراه مرايه بأشكال لزوزة من باث اند بودي 3> 

طبعا كان في فقرة ألعاب منوعة في الحفلة زي :

معلومات عن العروسه اللي هيا أنا :$ (A)

اللي يلاقي البلونه اللي عليها اسمي أسرع واحد 

لعبة الميك اب وهما مغمضين عيونهم لاتنين متطوعين xD 

< للأسف مو كلها لها صور :( ولا كان نزلتها ~

::

البوفيه من بعيد ~

::

التبولة عمايل يدين ماما 3> 

::

السندوتشات / المعجنات من الدانوب ~

::

ورق عنب برضو من الدانوب ~

::

ميني كب كيك من نكهة الكيك 3> 

::

فواكة مقطعة ( فراولة و مانجا ) + شوكولاته 3> 

شيبسات منوعة  ، السندوتشات اللي ورا بالدجاج من " Quiznos " 

::

المشروبات 

المويا عليها ثيم الحفلة ، بينك كاديه ، وكان في عصيرات بس مالقيتلها صورة D: 

::

المويا من قريب 3>

::

الكيكة من " أطايب " ~

::

هنا الصور و الأنوار مقفلة ، بس إضاءة اللمبة الملونة ، وبرضو بينك و موف P: ~

::

::

WE LOVE HALA 

الزينات دي كانت معلقه على الجدار اللي فوق البوفيه 3> 

وبس خلاص :$

::

في أشياء كتيرة فاتت في التصوير للأسف , تعرفو جو الاحتفال مو كل شي يمدي يتصور xD 

بس من جد كانت أجمل حفلة في الحياة XD 

فكرة ثيم الحفلة و الزينات و التنسيق كلها سووها أخواتي ~ اللي قاعده أشجعهم يبدأ مشروعهم بس ليلهم طويل -____-"

@Heyamiam

@Vamplicious_D

ترتيب البوفيه و التوزيعات ~ أخواتي الكبار ومامتي ~

يعني جهد عائلي 3> 3> xD

الله يخليهم ليا و يخليلكم أهاليكم و لا يحرمنا منهم يارب 3>

::

إن شاء الله يكون عجبكم البوست و استفدتو شويه أفكار لحفلاتكم 

تشـآآو (F) ~