القناع الطيني من The Body Shop ~

السلام عليكم 

صباح / مساء الخير 

::

بوست اليوم عن
القناع الطيني من The Body Shop
Seaweed ionic clay mask



جاتني فترة علقت على الأقنعة الطينية ~
هنا اتكلمت عن قناع Botanic الطيني ~ لو حابين تشوفوه
ولسه باقي كم واحد بكتب عنهم قريب ان شاءالله D:

::



القناع للبشرة المختلطة و الدهنية ~
ينقي و ينظف و يوازن الدهون الزايدة

::



تجربتي معاه ~

قوامه تقيل مره وعطري ، ممكن مايناسب اللي بشرتهم حساسة

 تحطيه على وجهك ورقبتك
وتنتظري الين ينشف تقريبا 8 - 10 دقايق بعدين تغسليه ~
 القناع  مو سهل في الإزلة بعد مايجف ~

تنظيفه حلو و عميق تحسي بشرتك مشرقة و متجددة بعده
بس يحتاجلها ترطيب عالي ~

بس ماحبيت شكل العلبة ، كنت أفضل لو انه عصار

::



متوفر في كل فروع The Body Shop
السعر : 80 ريال ~

::

يسعدني انضمامكم لأصدقاء المدونة من هنا 
سلام ~

كتاب موعد مع الحياة / د. خالد المنيف ~

السلام عليكم 
صباح / مساء الورد ~

::
بوست اليوم عن كتاب /
موعد مع الحياة - للدكتور خالد المنيف 

الكتاب عبارة عن قصص قصيرة ، كل صفحة أو صفحتين قصة
ونهاية كل قصة حكمة  + عبارة مؤثرة 

خفيف و سلس ~ القصص حلوة 

بعضها منتشرة و قريتها قبل كدا بس برضو استمتعت و انا اقراها

تعجبني الكتب اللي ما احس بالوقت وانا أقراها

وحبيت أكتر شي الحكم الموجودة في نهاية القصص ~

تقييمي / 3.5 |5 

::

هنا بعض الإقتباسات اللي عجبتني من الكتاب ~

::

شاركوني رأيكم لو قرأتو الكتاب أو كتب تانية لنفس المؤلف D:
يسعدني انضمامكم لأصدقاء المدونة من هنا 

سلام ~

زبدة الكاكاو الخام ~

السلام عليكم ~
صباح / مساء الورد ياقماري

::

بوست اليوم عن زبدة الكاكو الخام من NOW Solution 

عن المنتج

زبدة الكاكو الخام ~
مرطب للجسم ، مناسب لجميع أنواع البشرة حتى الحساسة 
يستخدم لـ : جفاف البشرة ، علامات تمدد الجلد و الندوب بالإضافة إلى حروق الشمس

خالي من أي إضافات أو ألوان صناعية ~

::

تجربتي ~

الزبدة قوامها صلب زي ماهو واضح في الصورة ، ولا حتى تقدري تاخدي منها بيدك :\

- كنت اكسر منها جزء و ادوبه في المايكرويف عشان استخدمها -

ترطيبها عالي مناسب لأجواء الشتا، بس حسيتها  تاخد وقت أكتر من زبدة الشيا عشان يمتصها الجسم ، ريحتها قووية ، فاللي ماتحب ريحة الكاكو في المنتجات لا تفكر تاخدها !

بشكل عام : حبيت ترطيبها بس ماحبيت فكرة اني ادوبها كل مرة
أفضل الاشياء العملية و السريعة ~

::

الزبدة اخدتها من موقع ايهرب ~

و الموقع يشحن مباشر للسعودية ، لو حابين تطلبو منه

iherb

بكدا يكون انتهى البوست ~ D:
يسعدني مشاركتكم لتجاربكم + انضمامكم لأصدقاء المدونة من هنا 

سلام ~

ماسكرا They're Real من بينيفت ~

السلام عليكم 

صباح / مساء الورد ياجميلات ~

::

من زمان على بوستات البيوتي ~

بوست اليوم عن ماسكرا They're REAL من بينيفت
 

تجربتي معاها ~

الماسكرا من ماسكراتي المفضلة ~ 
سوادها حلو ، تعطي الرموش طول و كثافة بشكل جميل 

احتاج طبقتين منها عشان أوصل للشكل المطلوب 

::

في الصورة موضحة شكل فرشتها 

 من قدام كمان فيها شعيرات عشان توصل للـ رموش الأمامية الصغيرة 

- اللي في الصور حجمها ميني ، جاتني في واحد من بوكسات بينيفت -

أحب المنتجات الميني ، لأنها أخف تأخديها معاك في الشنطة 

الشي المزعج فيها انه إزالتها صعبة شوية 

عشان كدا استخدمها غالبا في المناسبات ~

::

الأسعار و أماكن الشراء

موجودة في سيفورا 

بس مافتكر سعرها كم ~ في حدود الـ 100 - 150 ريال 

::

بكدا يكون انتهى البوست ~
شاركوني تجاربكم و آرائكم حول الماسكرات

يسعدني انضمامكم لأصدقاء المدونة من هنا D:

سلام ~