خلصناها و فضيناها (أرجع أشتريها أو لا ) ~

السلام عليكم

صباح / مساء الخير

::

بوست اليوم مو جديد كتبته قبل كد مرتين

رأيي في منتجات خلصتها ولو حرجع أشتريها أو لا :]

هنا البوستات السابقة لو حابين تطلو عليها ~

- 1 -

- 2 -

::

صابون مغربي من نزيه

كتبت عنه قبل كدا ، أحلى صابون مغربي جربته

أحب ريحته ، تجلس في الجسم

يجي ضمن مجموعة ( مع ليفة مغربيه و صابونه مغربيه الصلبة و طين مغربي )

كلهم حلوين ماعدا الطين ماحبيته كتير :\

::

فيتامين E سوربيه

Vitamin E Sorbet

كتبت عنه بوست كامل

حبيته وماجربت شي زيه للآن ، يعني حرجع اشتريه تاني ان شاءالله

::

تونيك ماء الورد من Botanics

مكتوب عليه انه يساعد في إزلة بقايا الميك اب و تضييق المسام
مدري ماعندي مشكلة في المسام فمالاحظت شي D:

منعش و حبيته لأنه سهل أبخبخ منه أي وقت
لكن ماحسيت في شي مميز، مارح ارجع اشتريه
بس حعبي العلبة مويا ورد مع مويا و استخدمها بداله xD

::

 

حليب مزيل للميك اب من غارنييه
جربت قبل كدا الوردي " للبشرة الحساسة "
بس حبيت دا أكتر ، يزيل الميك و في نفس الوقت يرطب البشرة
ويستخدم للوجه و العيون
< بس عن نفسي لازم اغسل وجهي بعد ماامسح فيه ، ماارتاح خخ xD

::

الحب الجديد 3>
زيوت معالجة من Fructis

انا ماكنت ستخدم بلسم بعد الشامبو
وكان نفسي في منتج استخدمه عشان يعطي عنايه للشعر + ويهديه بعد الشاور

ووقعت في حب دا البخاخ ، استخدمه بعد الشاور
استخدامه سهل لأنه على شكل بخاخ ، ريحته حلوة ، يهدي الشعر 
بس ماحسيت أنه يعالج الأطراف المتقصفة زي ماهو مكتوب =\

دحين استخدم بلسم " امريكان كريم " من لش و برضو استخدم دا معاه 3>
حبيته و عندي واحد تاني بدأت استخدمه D:

::

 

 

 

قلوس للشفايف من Bath & Body Works

طعمه لزيييز بحلاوة القطن ، فيه نكهات منه
بس يطفش في الاستخدام لأنه تقيل و يلصق الشفايف للأسف =\
وكمان في قليتر ماحبيته ، ومارح ارجع اشتريه  =(

::



معقم اليدين من Soap & Glory

معقم عادي بس ريحته  مميزه و فواحه ، جميييلة زي منتجات سوب & قلوري التانيه
تحسي يدك مدلعه لما تستخدميه xD

حبيته طبعا 3> 3>

::


بكدا يكون انتهى البوست ، ان شاءالله تكونو استفدتو منه

سلام ~



غسول الوجه ضد اللمعان من POND'S ~

السلام عليكم ~

صباح / مساء الخير 3>

مدري يحتاج اقول وحشتني المدونة :$

 كل مره اغيب و ارجع اكتبها , بس ماشاءالله " خلودي " مستولي على وقتي تماماً ماشاءالله عليه 3> 3>

::

بوست اليوم عن غسول ~

POND'S .. Clear Balance

OIL CONTROL

قبل فترة بشرتي سارت مختلطة | دهنية بزيادة T_T

وسرت أجرب منتجات للتحكم بالدهون و السيطرة عليها , و دا واحد منها ~

 

::

استخدمته يوم بعد يوم ، قوام المنتج كأنها هلامي xD

احط على يدي مع شويه مويا و افركه يسير كريمي برغوة خفيفة ~

فيه زي الحبيبات بس قليلة , ينظف البشرة تمام تحسيها نقية بعد ماتغسليها و مشدودة

و طبعا يجففها فلازم ترطبي بشرتك بعده ~

::

 

حبيت المنتج  بس حالياً بشرتي اتصالحت معايا و أخيراً D:

فماحس اني سرت أحتاجه بعد كدا ~

أنصح به لصاحبات البشرة الدهنية / المختلطة لدهنية

::

السعر للأسف مو فاكرة :$

أخدته من صيدلية الدواء و اعتقد موجود في الصيدليات بشكل عام D:

||

ان شاءالله يكون البوست السريع عجبكم :$

تسعدني متابعتكم في تويتر و انستاقرام

Rozalinda90

سلام ~

 

تقييم / روايتين للكاتبة أثير عبدالله ~

السلام عليكم ~
صباح / مساء الخير

::

البوست اليوم مختلف عن البوستات اللي فاتت D:

/

يمكن من أكتر الأشياء اللي فقدتها آخر فترة :  القراءة
فجأة احس وقتي سار مليان ، ومافي مجال اقرا كتاب أو قصة
طبعا دا قبل مايجي خلودي ، بعد خلودي يلا سار في وقت لنفسي xD

بس بعد ماشفت الجميلة بيان من مدونة Bayanola
حمستني ارجع اقرا تاني ، لما شفت بوستات الكتب حقتها :D
شكراَ بيان 3> ، والبوست دا اهداء لك :*

::

بوست اليوم عن روايتين للكاتبة أثير عبدالله ~

::



احببتك أكثر مما ينبغي ~

الرواية عن وحدة مبتعثة " جمانة " تحب واحد اسمه " عزيز "
طول القصة صابره عليه و على علاقاته وجالسه تندب حظها و الحب اللي جمعها به ، لدرجة انها مو قادرة تنساه أو تتخلى عنه بالرغم من كل شي

ماحبيت القصة كلها تحسف و ألم
أسلوبها انشائي جابلي الملل ، وكانت ممكن تختصر القصة كلها في صفحات أقل من كدا

اعطيها 1\5

::

أكتر شي عجبني فيها آخر جملة D:



ودي بعض الاقتباسات اللي عجبتني كمان ~





::

فلتغفري ~

تابعة للقصة الأولى بس هنا الرواية من وجهة نظر عزيز - الحبيب -

عن نفسي حسيتها أحسن من الجزء الأول ، يعني مو كلها حسرة و خيبه

تتضح فيها جوانب أكتر من عزيز ، شخصيته وتصرفاته .

اعطيها 2 \ 5

::

دا اقتباس عجبني من الرواية ~

::

اشوفكم في بوستات تانية ~

/

شاركوني رأيكم في الروايتين لو قرأتوها

وتسعدني متابعتكم في تويتر و انستاقرام

Rozalinda90

سلام ~

Lush Products ~ 2 ~

السلام عليكم ~

صباح / مساء الخير

::

بوست اليوم عن رأيي في بعض منتجات " لش " 

كنت ابغى اسويه بوست مشتريات بس لأنه الأغلب مجربتها قبل كدا وعاجبتني فـ قلت أخليه ريفيو أفضل D:

::

LUSH Products

المجموعة كاملة 3> 3>

::

BIG Shampooشامبو " بيق " من أشهر المنتجات اللي تنباع في لش ~

من أول مره استخدمته حبيته ، واعتبره من مفضلاتي الدائمة 

كل مايخلص من عندي أشتريه 3> 

هو شامبو منقي للشعر بأملاح البحر ، ريحته خطيييرة ومنعشة

نزلت عنه ريفيو قبل كدا ، شوفوه لو حابين D:

LUSH Products 1~

::

American Cream

بلسم للشعر بالكريمة و الفراولة 

انا مو من الناس اللي تستخدم بلسم دايما 

بس لما شفته في المحل ريحته عجبتني و اشتريته عشان استخدمه بعد شامبو " بيق "

بس تقدرو تقولو اني وقعت في غرامه 3> 

وسرت استخدمه كل مااخد شور واضفته لمفضلاتي الدايمة 3> 3>

استخدمه على كل شعري ماعدا الجذور
خفيف على الشعر، يرطبه و يهديه ، ريحته حلوة و تبقى في الشعر بس ماحسها فراولة ، احس كأنها حلاوة xD

له تلاته أحجام 

انا اخدت الوسط ب 106 ريال تقريبا D:

::

 

LUSH Soaps 

دول الصابونتين تاني مره اشتريهم ~
مايجففو الجسم ، روايحهم حلوة ووقت الاستحمام تفوح تدخلك جو 3>
بس للأسف مو ثابته الروايح

::

الوردية اسمها Rock Star 
ماعرف كيف أوصف ريحتها كأنها فانيليا مع ورود
بس يعني ريحة حلو وهادي xD

الزرقا ناسية اسمها
بس ريحتها كأنها شي من البحر و منعشة أكتر

::

الصوابين أسعارها مختلفة عندهم
100 جرام ~ تقريبا 32 لـ 45 ريال 
::



فروع لش ~

جدة : ستارز افينيو - مجمع العرب
الرياض : مركز المملكة - الفيصلية - فرع العليا
و كأني سمعت انهم فتحو في مكة قريب

الشرقية لسه مو موجود للأسف :(

::

بكدا يكون انتهى البوست ، ان شاء الله يكون عجبكم D:
/

شاركوني تجاربكم مع منتجات لش
ايش الأشياء اللي جربتوها و ايش منتجاتكم المفضلة

::

تسعدني متابعتكم في تويتر و انستاقرام 

Rozalinda90 
سلام ~

تجربتي مع ميك اب Yves Rocher ~

صباح / مساء الخير

::

Yves Rocher

ماركة فرنسية , منتجاتهم تعتمد على النباتات و الزهور و دا أحلى شي فيهم
مدري ليش دا البراند يحسسني بالروقان و الإسترخاء بالرغم من أنه تجاربي معاه قليل D:

::



بالنسبة للميك اب تجربتي معاهم اقتصرت على :
بلشر + قلم ايلاينر + روج
::



TEINT CLAIR ROSE

لونه وردي فاتح - في الصورة مبين افتح من اللون الحقيقي -
تركيبته بودريه ، اللون يطلع معاك من أول مسحة بس يحتاج تعيدي عليه عشان يوضح
لأنه اللون خفيف وعشان كدا اشوف مناسب للبشرات الفاتحة

ثباته تقريباً ساعتين ، حبيته كاستخدام صباحي أو لـ - النو ميك اب لوك -
يعطي لون و اشراقه طبيعيه للخدود

::

38487

مدري يمشو بالأرقام ولا لا , بس ماحسيت في شي مفيد تحت الروج غير الرقم xD

لون وردي فوشي - حاولت أوضحه في السواتش بس ماحسه طالع نفس اللون =( -
 قوامو كريمي يرطب الشفايف ، فيه لمعة خفيفة
ثباته متوسط و ريحته حلوة xD

::

 

آخر شي الأيلاينر

أول ماجربتو ماعجبني لأني دايما كنت استخدم قلم برجوا و راسه أقصر و اعرض
بس بعد ماجربته كم مره حبيييييته 3> 3>

سواده حلو ، ثباته عالي
حطيته لمده 12 ساعة ، منها كم ساعة نمت فيها xD
و كان صامد ماشاءالله بس اللون على آخر كم ساعه حسيت كأنه بهت بس يظل خطير D:

::

بكدا يكون انتهى البوست ~
شاركوني تجاربكم مع منتجات ايف روشيه D:

تسعدني متابعتكم في تويتر و انستاقرام
Rozalinda90

::

سلام ~

Flirt Dreams ~

السلام عليكم ~

صباح / مساء الخير

::

Flirt Dreams Collection

بوست اليوم عن مجموعة Flirt Dreams من مكياجي ~

طبعاً تتكون من زبدة و معطرللجسم  وعطر

تجي في بوكس موف جميل و مرتب شكله بس للأسف نسيت أصوره ~

حسب الموقع المجموعة بريحة الورد و الياسمين و الخوخ ~

::



معطر الجسم ~

ريحته خفيفة هاديه ، ثباته مو قد كدا ـ يعني ساعه لـ ساعتين بالكتير

وماشاءالله قد مااحط منه ابغاه يخلص مو راضي xD

::

 

 

زبدة الجسم ~

حبيت حجم العلبه أول شي 100 مل ، مو دايما علب الزبدات تكون كدا xD

قوامها حلو لكن ماحسيته زبدة تماما ، يعني بين الزبدة و اللوشن

تمتصها البشره بسرعه ، ترطيبها متوسط

::

العطر ~

شكله كيوت 3> 3>  ، وصغنون حلو لو حتاخديه معاك في الشنطة ~

ريحتها تجلس تقريبا 3 - 4 ساعات

::

عموماً المجموعة ريحتها هادية ، عني نفسي اشوفها مناسبة للصباح أو في المساء المستكن :D

ماعندي فكرة عن سعرها للأسف ، لأنها جاتني هدية من بنت اخويا 3> :$

::

ياريت تشاركوني رأيكم عنها لو جربتوها ، و ايش منتجاتكم المفضلة من مكياجي

/

تسعدني متابعتكم في تويتر و انستاقرام

Rozalinda90

سلام ~

Vitamin E Sorbet

السلام عليكم ~

صباح / مساء الورد ياجميلات

من زمان على البلوق ، وحشني مرره أكتر شي 3> 3>

بس ضريبة الأمومة ، لابد من الغياب xD

::

بوست اليوم عن ~

Vitamin E - Aqua Boost Sorbet

أول ماطلع كتير بلوقرز اتكلمو عنه و عشان كدا اتحمست اجربه

بالذات عشان تركيبته الجديدة D:

كنت شايله هم يطلع زي كريم الليل من مجموعة فيتامين E وتكون ريحته قوية

بس لما روحت و شفته اتحمستله أكتر وأخدته D:

::

هنا البوست عن مجموعة فيتامين E ~

Vitamin E - The BodyShop

::

السوربيه أخف من الكريم ~

عبارة عن مرطب لتبريد الوجه و إنعاش البشرة و حسب الموقع مفعوله يدوم 24 ساعه

مناسب لجميع أنواع البشرة

::

تجربتي معاه ~

تمتصه البشرة بسرعه ومايدهن ، يعطيك إحساس بالإنتعاش و البرودة

ريحته خفيفة ، بعد ماتحطيه تحسي بشرتك ناعمه زي بشرة البيبي  3>

الترطيب ماحسيته يدوم 24 ساعه زي مايقولو =\

بس حبيته كتير و ناسبني  3>

واتوقع حرجع أشتريه تاني D:

::

معلومات و أماكن الشراء ~

أي فرع من فروع بودي شوب

السعر : 79 ريال ~

::

بكدا يكون انتهى البوست ان شاءالله يكون عجبكم ~

تسعدني متابعتكم في تويتر و انستاقرام

Rozalinda90

سلام ~

خلصناها و فضيناها ( أرجع أشتريها أو لا ) ~

السلام عليكم

صباح / مساء الخير 3>

بوست اليوم باين من العنوان ، منتجات خلصتها و رأيي فيها ولو حرجع أشتريها أو لا

::

 

صورة جماعية للمنتجات xD

::

 

شامبو DURU

 

أول مره اسمع عن الماركة دي ، بس كنت أبغى أجرب شي جديد

و لما شميت ريحته 3> 3> جميله مره على طول أخدته

عبارة عن 2*1 شامبو و بلسم بخلاصة اللؤلؤ للشعر العادي

للأسف ماناسبني أبدا ، جففلي شعري وسار لازم استخدم معاه بلسم

بس اللي صبرني عليه الين خلصته ريحته الجميلة ~

مارح أرجع اشتريه تاني أكيد

::

 

سائل الإستحمام المرطب من فازلين

بخلاصة الشوفان و حبوب الصويا

ترطيبه حلو مايجفف الجسم ، ريحته خفيفة

تعجبني منتجات فازلين ، جربت قبل كدا العودي أتوقع بالرمان و الوردي ودا أقل واحد حبيته

حرجع أشتريه بس مو نفس النوع ~

::

 

فاشكول - حمام زيت للشعر بخلاصة الفواكة

تستخدميه على شعرك و هو رطب و تخليه تقريباً 5 دقايق بعدين تشطفي شعرك

المفروض انه يرطب الشعر ويعطيه لمعان و قوة

ماحسيت استخدامه يفرق عن استخدام البلسم ، مجرد ترطيب و بس

يمكن يفيد الناس اللي شعورهم جافه و متضررة أكتر =\

بس بالنسبة لي ماحسيته فادني ~

مارح أرجع اشتريه تاني

::

 

مقشر التفتيح الطبيعي من نيفيا

يحتوي على فيتامين سي ، تستخدميه 2 -3 مرات أسبوعياً

للأسف اني اشتريته بعد ماجربته و عجبني عند أختي D:

لكن بعد مااستخدمته بفتره حسيته سار يجففلي بشرتي بشكل مو طبيعي

أول مااحطه أحس بشرتي جافه حتى يديني =(

مارح أرجع اشتريه تاني أكيد ، ولو بشرتك جافة أنصحك ماتاخديه ولا تفكري xD

::

 

زبدة الكاكاو من بالمرز

صديق الحوامل xD

عشان يخفف ظهور الستريتش ماركز ، يحتوي على فيتامين E و الكولاجين و زبدة الشيا

كان و مازال رفيقي في فتره الحمل

رح أرجع اشتريه تاني D:

::

كريم تحت العين من همالايا

المفروض انه يخفف الهالات و التجعدات و الخطوط الدقيقة

غالباً ماتوقع شي كتير من دي المنتجات ، لانه زي ماتهتمي بكريمات لبشرتك

المفروض يكون نظامك صحي + نومك مرتب عشان تلاقي نتيجة

عموماً حسيته يعطي ترطيب بس مو أكتر

 ومارح أرجع اشتريه تاني

::

Flake Away مقشر من سوب & قلوري

يعتبر من أشهر مقشراتهم

سبق و اتكلمت عنه في بوست منتجات سوب & قلوري

Soap & Glory Mini Products

اعتبره من مفضلاتي الدايمة

حأغير شويتين و ارجع اشتريه بعد فتره 3>

::

 

زبدة اليدين والقدمين من بودي شوب

نزلت عنها ريفيو كامل هنا لو حابين تشوفوه

Spa Wisdom Africa

رح ارجع اشتريها مع السكرب حقها ان شاءالله

::

 

كريم مرطب من غارنييه

جربت قبل كدا الوردي للبشرة الحساسة كان عادي وماحبيته كتير

ودا للبشره العادي و المختلطة ، حبيته أكتر

ريحته خفيفه و ترطيبه حلو تمتصه البشرة بسرعه و مايخليها تدهن

رح أرجع اشتريه تاني ~

::

بكدا يكون انتهى البوست

ان شاءالله تكونو استفدتو ، ولو جربتو أي شي من المنتجات ياريت تشاركوني تجاربكم

::

تسعدني متابعتكم في تويتر و انستاقرام

Rozalinda90

سلام ~

H&M Makeup ~

السلام عليكم

صباح / مساء الخير ياجميلات

كل عام و انتم بخير بمناسبة شهر رمضان ، و ينعاد على الجميع إن شاءالله بالصحة و العافية

::

بوست اليوم عن تجرربتي البسيطة مع ميك اب H&M

كانو أكتر من كدا بس بعض الإشياء مالقييتها

عشان كدا مارح اتكلم عنها في البوست -__-"

::

Smoky Eyeshadow

باليت آي شدو مكون من خمسه ألوان ، في كم باليت غيره بس أنا اخترت دا 3>

كل الألوان بلمعة - شيمر - أو قليتر خفيف مره ماعدا الأسود مات

الأسود بشكل عام اعتبر وجوده مهم في أي باليت 3>
سواده حلو غامق ، استخدمه كشدو + تحت العين

الألوان التلاتة اللي في النص تدرجات البنفسجي الأول يعطي شويه على رصاصي أو بدنجاني و الأخير لونه مايتوصف  xD

أخر لون البينك هادي وناعم ، استخدمه غالباً كإضاءة وعلى بداية العين ~

الألوان اعتبرها خفيفة وتحتاج تعيدي كم مره عشان توضح + بعد 4 - 5 ساعات احسها تسير باهتة ، أتوقع ممكن تنحل دي المشكلة مع استخدام البرايمر بس ماجربت أستخدمه معاه :$

الباليت صغير وعملي ، تقدري تطلعي منه بكم لوك سريع

حلو للمبتدئات  ولو حابه تتعلمي على الميك

::

Bronzing Powder

براونزر للوجه والجسم مع اني ماجربتها للجسم قبل كدا ~

أحبها كتيير ودايما استخدمها ، كميتها كبيرة + فيها مراية

و الأحلى انهم طلعو حجم أصغر منها - عملي أكتر لو حابه تاخدي معاك في شنطتك D:

::

Eyeliners

الأول لونه سماوي حلو و جديد عليا ، أول مره اجرب ايلاينر بدا اللون

ما حبيت الفرشة - تطفش مره في الرسم -  ولا جودة المنتج استخدمته كم مره و نشف :S

لكن حبيت لونه و فكرة الايلاينر الملون 3>

الايلاينر التاني قليتري أبيض

تقدري تحطيه لوحده يعطيك تحديد أبيض بالقليتر أو فوق اي ايلاينر لو حابه القليتر بس

حبيته مرره 3> 3>

تركيبته أحسن من الأول مانشف للآن و ميه ميه ، القليتر مايطفش لما تمسحي الميك اب

::

 

 

 الأسعار و أماكن الشراء :

H&M

الأسعار مو فاكرتها كويس بس تقريباً

باليت الشدو في حدود الـ 30 ريال ، البراونزر 30 - 40 ريال

و الايلاينرز مو فاكره أبدا ^^"

::

إن شاءالله تكونو استفدتو من البوست

تسعدني متابعتكم ليا في تويتر + انستاقرام

Rozalinda90

سلام ~