مجموعة العناية بالقدمين - The Body Shop ~

السلام عليكم

صباح / مساء الخير ياجميلات ~

::

بوست اليوم عن مجموعة العناية بالقدمين من بودي شوب

طبعا المنتجات تنباع بشكل منفرد مو كمجموعة سوا ~

و تتكون من :

سكرب للأقدام - بخاخ - كريم مرطب

::

السكرب

قوامه حلو ، غريب مدري كيف اوصفه xD

زي الجل بس عبارة عن حبيبات تقشير خخ

المهم اني حبيته ~ ريحته فواحه كأنها نعناع ، تقشيره ممتاز

حاولت أوضح قوام السكرب

يمكن لو مو مخلص كان أوضح :$

::

البخاخ ~

ريحته نفس ريحة السكرب ، قوية مره

استخدمه بعد السكرب أو لما احس رجولي تعبانه

يعطيني احساس بالإنتعاش و البرودة D:

بس مارح أرجع اشتريه تاني لو خلص ~

::

كريم الترطيب ~

كريم مرطب للأقدام ، قوامه تقيل و ترطيبه عميق

احطه و البس بعده شراب في رجولي و لما افكه احس رجولي سارت ناااعمه 3> 3>

يبان أثره على طول أحلى شي ، وطبعا ريحته نفس الباقيين D:

هنا صورة للكريم توضح قوامه ~

::

الأسعار و أماكن الشراء :

متوفره في بودي شوب

المقشر و الكريم / مافتكر أسعارهم للأسف 

والبخاخ بـ 27 ريال 

::

بكدا يكون انتهى البوست ~

لو جربتو شي من المنتجات ، شاركوني تجربتكم ~

سلام ~

تقييم كتاب " محاولة ثالثة " للرطيان ~

السلام عليكم ~

صباح / مساء الخير

::

بوست اليوم عن كتاب " محاولة ثالثة " للكاتب السعودي محمد الرطيان

الكتاب عبارة عن خواطر منوعة ، مقسم لأربعة مواضيع عامة

وبقية الكتابات تحتها ~

خفيف الأسلوب ، جميل في الصياغة و اختيار الكلمات

حبيته و اتسليت و انا اقراه ، الكاتب متمكن جداً

اتحمست اقراله كتب تانية ~

تقييمي : 5 \5

::

هنا بعض الإقتباسات اللي عجبتني من الكتاب 

 

::

::

::

::

::

::

::

::

::

::

لو قريتوه أو اي كتب تانية للكاتب اعطوني رأيكم وشاركوني فيها

سلام ~

زيت العناية بالبشرة من بالمرز ~

السلام عليكم ~
صباح / مساء الورد

::

البوست اليوم عن زيت العناية بالبشرة من بالمرز بزبدة الكاكاو ~

PALMER'S
COCOA BUTTER FORMULA



::

شركة بالمرز معروفة منتجاتها بالترطيب العالي و دايما صديقة الحوامل احسها xD
المهم بعد الحمل كنت أدور على زيت للجسم استخدمه ضمن روتين عنايتي وطحت على دا

في منه نوعين على ماأتذكر :

واحد العادي بزبدة الكاكاو
و دا بزبدة الكاكاو مع عطر الورد ~

::

بالإضافة للمكون الأساسي " زبدة الكاكاو " يحتوي المنتج على :
فيتامين E ، زيت الكانولا ، زيت السمسم ، زيت ثمرة الورد 

يعمل المنتج على تحسين مظهر :
الندوب ، علامات تمدد الجلد ، البشرة الجافة التالفة الغير متناسقة ،آثار الشيخوخة

طريقة الإستخدام :
تدلك المنطقة المصابة 3 مرات أو أكثر يومياً

::

تجربتي معاه :

كنت استخدمه مره في اليوم بعد الشاور
كترطيب حبيته ، ترطيبه عالي و سريع الإمتصاص ، ريحته في البداية كنت استغربها يعني مااحسها ورد
بس بعدين اتعودت عليها ( فكرني بالبايو اويل ) D;

واكتر شي عجبني انه سهل الإستخدام
علبته حلوة و عملية بضغاط  زي ماهو باين في الصورة عجبتني مره

بالنسبة للأشياء التانيه الندوب و الستريتش ماركز ماقدر احكم عليه صراحه ^^

::

بعد ماخلص استخدمت البيبي اويل كم مره و حسيت بالفرق من جد
ترطيبه اعلى واخف على البشرة و أسرع في الإمتصاص من البيبي أويل < طاح من عيني البيبي أويل خخ

::

السعر ومكان الشراء :
اشتريته اعتقد من بنده
 السعر مو فاكرته للأسف بس اعتقد في التلاتين ~

::

بكدا يكون انتهى البوست ~
شاركوني تجربتكم لو سبق و جربتوه ، وايش منتجاتكم المفضلة من بالمرز 3>

سلام ~

تقييم الرواية السعودية نحو انعتاقي ~

السلام عليكم ~
صباح / مساء الخير

::

بوست اليوم تقييم لـ رواية سعودية للكاتبة ريم عبدالرحمن

" نحو انعتاقي "



القصة تحكي حياة 3 صديقات بشكل سريع من الواقع السعودي

طبعا كل وحده ولها قصتها

الأولى : مها حكايتها عن مشاكل امها و أبوها و انفصالهم

التانية : نوف بنت عايشة مع أمها المطلقة و تحكي عن حياتها الصعبة بدون رجال في ظل مجتمع ماتمشي فيه الأمور إالا بوجود رجل

التالتة : أسرار عايشة مع أبوها حياة منفتحة تماما

كل وحده تسيرلها أحداث مختلفة و في نهاية القصة يجتمعو سوا في واشنطن رغم كل الأحداث عشان يكملو دراستهم

::

القصة خفيفة و سريعة ، قريتها في ساعة تقريباً

ماعجبتني أبداً ، أتوقعتها أفضل من كدا

ماتعجبني الرواية اللي أحس الكاتبة كاتبتها و ممليتها دروس و مواعظ كأنها حتتدرس في مدرسة ! حلو انك توصلي فكرة لكن طول الرواية تسردي اراء حول أكتر من موضوع و قضية ، كتيييير ! -__-

تقييمي 1\5

::

شاركوني رأيكم لو قريتوها ، أو أي روايات للكاتبة :)

سلام ~