ماما جديدة || وحبيبي خلص 6 شهور ~

السلام عليكم ~
صباح / مساء الورد ياجميلات 3>

::

بوست اليوم بدايه لقسم جديد في البلوق ان شاءالله  ، كنت بافكر فيه من فترة D:
و قررت افتحه وأخيرا نزلته بعد ما جلس في المسودات xD ~

القسم الجديد حيكون للامهات D:

::



الحمدلله حبيبي خلودي كمل 6 شهور 3>
العمر كله يارب ~

و الحمدلله اني نجيت من السته شهور الأولى xD
من جد أحسه انجآآآآآز وأكبر انجازD:
دحين سرنا أصحاب , نفهم بعض و نعرف لبعض أكتر 3> < بس مازال مطلع عيوني الله يحميه xD

::

يمكن أصعب شي الست شهور الأولى ، بالذات لما تكوني أم جديدة
بداية المسؤولية و مرحلة جديدة في حياتك ، و نونو معتمد عليك في كل شيء
وتعليقات ونصايح لاتنتهي من الناس اللي حولك =|

::



عبارة قرأتها من فتره و عجبتني ~
الأيام طويلة بس السنوات قصيرة < الترجمة خخخ

كل يوم بالنسبة ليا مع خلودي كان يووم طوويل طويل أستناه متى ينام و خلاص أروق
بس أحس لما أفكر فيه انه ماشاءالله كمل 6 شهور

أحس الوقت يجري ماشاءالله

||

عشان كدا حاولي تستمتعي بكل لحظه و كل دقيقة في حياتك عموماً
مو بس كأم جديدة ومع البيبي
لأنك حتلاقي الوقت يعدي أسرع مما تتخيلي ، و حتفتقدي دي الأيام

::

في القسم الجديد حكتب تجاربي و فضفضاتي كأم جديدة
وإن شاءالله تستفيدو منها و تشاركوني تجاربكم كمان 3>

سلام ~

NYX - Matt Lip Cream

السلام عليكم ~

صباح / مساء الورد ياجميلات ~

::

بوست اليوم عن واحد من مفضلاتي في الفترة الأخيرة 3> 3>

NYX

Soft Matt Lip Cream

::

الروج دا من نيكس أو " ان واي اكس " D: ، وقعت في حبه بقوة 3>

نوعه مات بس في نفس الوقت كريمي ، ماينشف الشفايف

توزيعه سهل مره و يندمج مع الشفايف بشكل حلو 3>

لكن ثباته للأسف مو قد كدا ، يعني تقريباً 3 ساعات وبعد كدا يختفي ولازم ترجعي تحطي

::

هنا موضح اسم الدرجه

San Paulo

لونه وردي متوسط ، احسه من الدرجات اللي تنفع تحطيها كل يوم

::

السواتش من النت

لاني نسيت اسويله سواتش ، مافتكرت غير وأنا اكتب البوست :$

::

السعر و أماكن الشراء:

اشتريته أون لاين و يوفره التاجرات

مني متأكدة لو متوفر في ستانداتهم في سنتر بوينت أو لا للأسف

ياريت اللي تعرف تفيدني :$

لأني ناويه اشتري كم لون تاني 3> 3>

::

سلام ~