منتجات لش ~ Lush Products ~

السلام عليكم

صباح / مساء الخير ياجميلات

من زمان على البلوق ، الفترة اللي فاتت ماشاءالله كانت صاخبة بشكل جميل بعد الزواج 3>

 بس اخيراً وصلنا نيوزيلندا بالسلامة الحمدلله (A)

 

::

 

 بوست اليوم حيكون عن منتجات لش الجميلة ~

المكان دا بالنسبة ليا عششق 3> 3> ماقدر اقاوم ريحتوو لما امر من عندو xD

 

 

 

طبعا اللي يميز لش عن باقي الشركات

انهم يستخدمو مواد طبيعية ماتحتوي على مشتقات الحيوان لانهم ضد التجارب على الحيوانات

::

هنا الكوليكشن كاملة D:

::

 

أول شي شامبو BIG من أشهر الشامبوهات عندهم

بأملاح البحر ، الإحساس + الريحة شي خطيييير 3>

الشامبو ينظف الشعر تنظييف عميق ويعطي احساس بالكثافة

بعد ماتغسلي شعرك حتحسي بنظافة و انتعاش و كثافة

ممكن تحسي بالجفاف خاصة لو نوع شعرك جاف فحاولي ترطبيه أو تستخدمي معاه بلسم

ماينفع يستخدم يومياً لأنو يجفف الشعر، انا استخدمو مره في الأسبوع 3>

 

::

دا ماسك للوجه < انا شلت الأوراق من العلبة لانو خلص :$

لش عندهم ماسكات مختلفة حسب نوع البشرة

لو انتي من النوع اللي يكسل يسوي ماسكات فـ دا شي جاهز و مريح D:

الشي الجميل فيه انو من مواد طبيعية و تحسي بفعاليتها على البشرة

لكن مشكلتها انو تستخدميه لمدة اسبوعين أو تلاته تقريبا 3 مرات في الأسبوع

و بعدها خلاص تنتهي مدته ، واهم شي يتحفظ في التلاجة بعد ماتنفتح العلبة

::

 

مقشر الشفايف الشهير مع زيت الجوجوبا ، لطيف و شكلو جميييل 3>

في منو عدة نكهات ، حقي بالنعناع

يقشر الشفايف وفي نفس الوقت مايخليها جافة عشان الزيت

بس الأفضل انك طبعا ترطبيها بعد التقشير

ممكن تصنعي بديل له في البيت بالسكر و الزيت ، موجودة الطريقة على اليوتيوب

::

 

حبوب تنظيف الأسنان - بديل المعجون

تحطيها في فمك و تكسريها و بعدها تفرشي بالفرشة عادي و تطلع رغوة

طبعا ماتغني عن المعجون في البيت ، بس جميلة تحطيها في شنطتك عشان تفرشي في أي مكان

في منها عدة نكهات برضو D:

::

 

أخر شي ، الحاجة اللطيفة دي

تستخدم لون للشفايف و بلشر و كأني افتكر انو كان مكتوب شدو كمان xD

جربتو للشفايف جميل و توزيعو سهل و عجبني أكتر كبلشر أو أساس للبلشر 3>

ثباتو مو كتيير للأسف تقريبا ساعتين ~

::

هنا موقع لش لو حابين تاخدو فكرة عن المنتجات أكتر أو تشترو أون لاين - حسب الدولة اللي انتي فيها

LUSH

بكدا يكون انتهى البوست D:

ان شاء الله يكون عجبكم و استفدتو منو

سلام ~

حفلة توديع العزوبية ~ My Bridal Shower Party ~

السلام عليكم ~

صباح / مساء الورد (F) 

::

بوست اليوم عن " البرايدل شور بارتي " حقتي :$

اللي كانت مفاجأة من عيلتي الجميلة 3> 3> الله يخليهم ليا يارب

وطبعاً البوست متأخر بما أنو زواجي باقيلو أسبوع تقريباً إن شاءالله :$

- الله يتمم على خير يارب -

::

ثيم الحفله كان بينك و موف / مقتبسه من شخصيتي الديزنية المفضلة
 " Rapunzel " من Tnagled ~ 

::

هنا الفستان و طوق الورود للشعر و المسكة :$ 

تفاصيل أكتر ~

::

صورة أقرب للمسكة  (F) 

::

باب الغرفة ~

::

البالونات ~ كل شي موف و بينك 3> 

::

العريس و العروسه :$ 

::

توزيعات للحاضرين ~

::

هدايا بسيطة للفايزين في الألعاب
عباره عن مبرد أظافير وراه مرايه بأشكال لزوزة من باث اند بودي 3> 

طبعا كان في فقرة ألعاب منوعة في الحفلة زي :

معلومات عن العروسه اللي هيا أنا :$ (A)

اللي يلاقي البلونه اللي عليها اسمي أسرع واحد 

لعبة الميك اب وهما مغمضين عيونهم لاتنين متطوعين xD 

< للأسف مو كلها لها صور :( ولا كان نزلتها ~

::

البوفيه من بعيد ~

::

التبولة عمايل يدين ماما 3> 

::

السندوتشات / المعجنات من الدانوب ~

::

ورق عنب برضو من الدانوب ~

::

ميني كب كيك من نكهة الكيك 3> 

::

فواكة مقطعة ( فراولة و مانجا ) + شوكولاته 3> 

شيبسات منوعة  ، السندوتشات اللي ورا بالدجاج من " Quiznos " 

::

المشروبات 

المويا عليها ثيم الحفلة ، بينك كاديه ، وكان في عصيرات بس مالقيتلها صورة D: 

::

المويا من قريب 3>

::

الكيكة من " أطايب " ~

::

هنا الصور و الأنوار مقفلة ، بس إضاءة اللمبة الملونة ، وبرضو بينك و موف P: ~

::

::

WE LOVE HALA 

الزينات دي كانت معلقه على الجدار اللي فوق البوفيه 3> 

وبس خلاص :$

::

في أشياء كتيرة فاتت في التصوير للأسف , تعرفو جو الاحتفال مو كل شي يمدي يتصور xD 

بس من جد كانت أجمل حفلة في الحياة XD 

فكرة ثيم الحفلة و الزينات و التنسيق كلها سووها أخواتي ~ اللي قاعده أشجعهم يبدأ مشروعهم بس ليلهم طويل -____-"

@Heyamiam

@Vamplicious_D

ترتيب البوفيه و التوزيعات ~ أخواتي الكبار ومامتي ~

يعني جهد عائلي 3> 3> xD

الله يخليهم ليا و يخليلكم أهاليكم و لا يحرمنا منهم يارب 3>

::

إن شاء الله يكون عجبكم البوست و استفدتو شويه أفكار لحفلاتكم 

تشـآآو (F) ~

لوك تاني أيام العيد ~ Eid 2nd Day Look ~

السلام عليكم 

صباح / مساء الخير يا حلوات D: 

بوست اليوم باين من عنوانه , لوك تاني أيام العيد :$ 

كان المفروض أنزلو أبدر من كدا، بس كل شويه يطلعلي شي وماقدر انزلو الين ما الحمدلله ربنا كتبلو ينزل xD 

يلا نبدأ 

::

الـ لوك بشكل عام 3> 3> 

::

الفستان من " Forever 21 " 

::

الشنطة من " Harrods " اشتريتها أون لاين D: 

::

الهيلز المفضل عندي حالياً من " Viss "

::

الاكسسوارات 

ساعة من مجمع العرب

الحلق " Forever 21 " ~ البناجر مافتكر من فين ~ خاتمين  3> 

::

طوق الشعر , عمايل ايديا :$ (A) 

< نسيت اصورو في الصورة الجماعية :"(

::

الميك اب ~

اعتمدت رسمة الـ Cat eyes زي اللي في الصورة + سموكي آي شدو بدرجات الأسود و الروج الأحمر 3>

::

وخلصنا 3>

ان شاءالله يكون عجبكم اللوك  ~

||

تقدرو تتابعوني لو حابين على :

Twitter : Rozalinda90
Instagram : Rozalinda90

سلام (F) ~

لوك أول أيام العيد ~ Eid 1st Day's Look ~

السلام عليكم

كيفكم يا جميلات ؟ ان شاءالله مبسوطين

عيدكم مبارك و كل عام و الجميع بخير يارب 3> 3>

::

بوست اليوم عن لوك أول أيام العيد , الله يجعل أيامنا كلها أعياد xD

طبعاً أول يوم في عيد الفطر عندنا يوم عائلي بيتنا و بيوت أخواني < كلنا في نفس العمارة xD

وبعدها نخرج برا كلنا سوا و نتعشى و نرجع البيت

::

الفستان لونو أصفر فسفوري " نيون " , وطبعاً الألوان النيون تريندي حالياً D:

نسقت عليه حزام أسود بفيونكة < مافتكر من فين :$

 الهيلز الأسود من " فيس"

::

 

الإكسسوارات

ساعة "سوارفيسكي" جلد سودا

بناجر سودا و فضية ، خاتمين ، حلق أسود

::

 

 

الميك اب

أهم شي عندي في الميك اب رسمه العين 3> 3> والباقي شي سمبل و رايق وخلاص D:

||

الفاونديشين ماكس فاكتور : فاونديشني الجميل عبارة عن سيروم + فاونديشن 2*1

كونسيلر غارنييه اعطاني التغطية اللي احتاجها للهالات ، و فوقو كومباكت بودر من بورجوا للتثبت

الايلاينر من ريميل فرشتو جيده و سهله في الرسم

الماسكرا من برجوا من ماسكاراتي المفضله احسها خفيفة و مفعولها في التكثيف يبان على طول

تحت العين استخدمت بودرة ايلف تجي لونين اسود و فضي

استخدمت الفضي في بدايه العين و الاسود من النص للنهاية

الحواجب بودرة بودي شوب < اظن كل العالم تستخدمها xD

 

فرش الميك اب نسيت اصورلكم هيا و ماافتكرتها غير وانا أكتب البوست , ان شاءالله المره الجيه أصورها ^^"

الكونتورنق : براونزر اتش اند ام

البلشر : بورجوا Rose ambre و بعدو استخدمت بلشر بودي شوب Guava

يخفف حدة بلشر بورجوا و يضيف عليه لون بينكي  بلمعة لطيفة

الروج : أحمر من اتش اند ام + استخدمت فوقو روج من ايلف بينك على فوشي

عشان أوصل للون اللي ابغاه D:

وتادااا خلصنا خلاص ~

::

بكدا يكون بوست اليوم انتهى ، وان شاءالله يكون عجبكم D:

تقدرو تتابعوني لو حابين على :

Twitter : Rozalinda90

Instagram : Rzaolinda90

سلام ~

خلصناها و فضيناها ( أرجع اشتريها أو لا ) ~

السلام عليكم 

كيفكم يا جميلات ؟ ان شاءالله كويسين D:

كل عام وانتو بخير ، و رمضان كريم على الجميع يارب 3>

::

البوست اليوم حيكون عن منتجاتي اللي خلصتها , وحابة اعطيكم رأيي فيها D:

احساس إني اخلص شي من الأشياء اللي اشتريها " اعشقو "
أحسها لحظه انجاز لما خلاص استخدم أخر نقطه فيها 

تحسو كدا ؟ xD

::

 منظف للجسم و الوجه  ( Bio Skin care )

مايعتبر مقشر يعني الحبيبات اللي فيه صغنونة و ناعمة جداً على البشرة ، ممكن تستخدميه مع كل استحمام 

في أكتر من نوع ليه : بس انا اخدت الفراولة 3> 

موجود في أغلب الصيدليات

السعر : في حدود التلاتين 

::

حليب مزيل الميك اب من غارنييه بالورد 3>

لما شفتو في الصدلية وقعت في غرامو على طول ، بالورد و بينك يعني ايش اكتر من كدا xD ، وبعد الاستخدام حبيتو أكتر ، ينظف الميك اب و يرطب البشرة 

غالباَ حرجع اشتريه لو خلص D: 

صيدليه النهدي 

السعر : ماافتكر ، اعتقد في العشرينات 

::

كريم غارنييه بماء الورد + فيتامين E

< شلت الستيكر اللي عليه ، عشان عجبتني العلبه xD

استخدمو للترطيب + قبل الميك اب

يعني كريم مرطب عادي ، ماتوقع اشتريه تاني

في أغلب الصيدليات 

السعر : حدود العشرين ريال

::

صابون مغربي بزيت الزيتون

أجمل صابون مغربي جربتو 3>

ريحتو جميلة ، و تخرجي من الشور وانتي بجد حاسة نفسك نظيفة xD 

كان أول في حجم كبير ، بس دحين ماسار موجود 

دا طبعاً كان ضمن مجموعة ( صابون مغربي + صابونة مغربية المربعة :$ + طين مغربي و الليفه )

من نزيه 

السعر : 35 ريال 

::

كريم الأقدام باللافندر 3> 3>

يريح الرجول و يعطيها احساس بالنعومة + ريحتو تجيب الاسترخآآآآآآآآء 

و حجمو صغنون ينفع تاخديه معاكِ لو مسافرة D: 

حرجع اشتريه تاني اكييد 3> 

من ايف روشيه 

السعر : ماتذكر تماماً بس في العشرين 

||

وبكدا اكون انتهيت من بوست اليوم , إن شاء الله يكون عجبكم 

* تقدرو تتابعوني على : 

تويتر : Rozalinda90@

انستاقرام : Rozalinda90@

سلام (F) ~

منتجات QV ( غسول البشرة + كريم العيون ) ~

السلام عليكم 

كيفكم ياامورات ؟ ان شاءالله كويسيين 

اول تدوينة ليا في المدونة , حابة اتكلم عن منتجات QV الاسترالية 

::

بداية المنتجات كانت 1975 

لما طلبت مستشفى الملكة فكتوريا من الصيدلي Gerald Oppenheim يسويلها منتجات للعناية بالبشرة عشان تستخدم في قسم الجلدية. اول المنتجات كان زيت الاستحمام و بعدها بتلاتة سنوات بدأت الشركة تصدر منتجات مختلفة و خط سيرها كان
 " العناية بالبشرة "

::

طبعا المنتجات خالية من العطور و الألوان و المواد المهيجة للبشرة 

وتنفع للإستخدام اليومي D:

::

QV Wash Soap-free cleanse

منتج الأول هو غسول للبشرة , حسب الموقع أنو للبشرة الجافة و الحساسة

يطلع رغوة خفيفة , و لطيف جداً على البشرة ، ريحته خفيفة وتكاد تكون معدومة :d ، بعد ماتشطفيه تحسي البشرة ناعمة زي الأطفال ، واحسن شي بالنسبة ليا أني احسه آمن مو منتج تجاري و بس 

أكيد رح ارجع اشتريه تاني لو خلص 3> 

::

QV Face Revitalising Eye Cream

كريم العيون , لتقليل الهالات السودا و الخطوط الصعيرة و الإنتفاخ

يعزز الدورة الدموية حول العين و يقلل الجفاف ، ومناسب لجميع أنواع البشرة. حسب التعليمات المفروض يستعمل مرتين في اليوم " صباحاً و مساءً "

عن نفسي صراحة ماكنت ملتزمة تماماً بالاستخدام مرتين و بعض الأيام افوت كمان :$ ، ومع كدا حسيت انو المنطقة حول العين اتحسنت و الهالات خفت بس بشكل بسيط. وماكنت متوقعه شي أكتر من كدا ، لان الهالات تعتمد على عوامل كتيرة زي الأكل الصحي و النوم و نمط الحياة فأكيد الكريم ماحيعالجها و الأشياء التانية مو مزبوطة ^^"

:

أماكن الشراء : صيدلية بوتس من دبي 

سعر الغسول : 45 درهم

سعر كريم العيون: 68 درهم 

إن شاء الله يكون عجبكم البوست 

سلام :$