رضاعة + ملعقة = أكل بدون حوسة xD

السلام عليكم ~
صباح / مساء الخير

::

بوست اليوم بتكلم فيه عن رضاعة الأكل ~

وهي الرضاعة اللي نهايتها تكون ملعقة للأطفال اللي بدأو ياكلو بدل الملعقة العادية و الصحن ~
بالنسبة ليا أحسها حلوة و عملية مره بالذات لو كنت برا البيت بدل الحوسه و اللغوصة

::

جربت نوعين منها

النوع الأول ~

- الصورة من النت , رميت حقتي قبل ماصورها =( -

||
من ماركة Munchkin ، مصنوعة من السيليكون
حجمها صغير ، لما يبدا ياكل كميات كبيرة أتوقع مارح تكون عملية كتير
حلوة لما تأكلي البيبي ، سهلة في الضغط و مرنة
لونها حلو و متوفر منها لون أخضر ووردي اعتقد كمان
وأحلى شي معاها غطا خاص ~

بس مشكلتها استخدمتها كم مره و بعدين سارت ريحتها مو حلوة
قد ما غسلتها و عبيتها صابون مارضيت تروح منها الريحه للأسف

::

النوع التاني ~

من ماركة بايجون ، مصنوعة من البلاستيك ~
حجمها أكبر , عملية أكتر و مناسبة لعمر أكبر كمان
مو بمرونه السيلكون اكيد لكنها سهله في الاستخدام برضو
يمكن شكلها مو جذاب كتير ومو متوفر منها غير شكل واحد

عيبها انه مامعاها غطا خاص ~
و بالنسبة للريحة الحمدلله ماواجهتني المشكلة دي معاها


بالتالي اعتبرها الخيار الأفضل بن الاتنين

::

ان شاءالله تكونو استفدتو من البوست ~

سلام

Japanese Cherry Blossom - BBW

السلام عليكم 

صباح / مساء الخير ياجميلات ~

::

بوست اليوم عن مجموعة
Japanese Cherry Blossom  

من Bath & Body Works ~

::

المجموعة جاتني هدية
عبارة عن عطر الجسم و شور جل و اللوشن محطوطه في علبة لزوزة
< نسيت اصورها للاسف XD

::

بشكل عام احس ريحتها زهرية قوية و منعشة 
أول ماتحطيها تحسيها نفاثة و مع الوقت لما تهدا تسر أحلى

حسب الموقع
الريحة مزيج بين الكرز الياباني و التفاح و الكمترى مع الفانيليا < وصفة مو عطر XD

::

اللوشن ~

يحتوي على فيتامين E المرطب ، بالإضافة إلى زيت الجوجوبا 
امتصاصه عالي و قوامه خفيف على البشرة زي أغلب اللوشنات حقتهم

::

معطر الجسم ~

الريحة زي ماوصفتها فوق , ثباتها متوسط  ومع استخدام بقية المجموعة يزيد الثبات لكن عموما ماحسه أكتر تلاتة ساعات

::

الشورجل ~

ريحته زي بقية المجموعة ، منعش
يحتوي على الصبار و فيتامين E بالإضافة لزبدة الشيا 
ودا أحلى شي فيه لأنه ما يجفف البشرة ، خفيف على الجسم ~

::

الأسعار و أماكن الشراء ~
الاسعار ماعرفها لأني زي ماقلت جاتني هدية ~ وناسية أسعار المكان عموما
و تلاقوها في أي فرع من فروع باث اند بودي 

::

ان شاءالله تكونو استفدتو 3>
سلام ~

تقييم / رواية ساق البامبو للكاتب سعود السنعوسي

السلام عليكم 

صباح / مساء الورد ~

::

بوست اليوم عن رواية " ساق البامبو " للكاتب سعود السنعوسي ~

::

الرواية من تأليف الكاتب الكويتي سعود السنعوسي ، فاز عنها بالجائزة العالمية للرواية العربية عام 2003

تدور " عيسى أو هوزيه " ولد الخادمة الفلبينية اللي اتزوجت الولد الوحيد لعائلة كويتية مرموقة
و حملت ، لما عرفو الأهل بالموضوع طلبو منه يتخلى عنها و عن الجنين طبعا

لكن " راشد " الأب رفض و انتظر حتى الولادة
و بعد كدا سفرهم للفلبين مع وعد أن " عيسى " حيرجع لموطنه الأصلي لما يكبر و يعيش في الكويت و انه مارح يتخلى عنه

طبعاً الرواية كلها بلسان البطل ~ و حياته في الفلبين بين أهل أمه
و حلمه انه يرجع الكويت بلد أبوه

::

الرواية عميقة ، الأسلوب محكم 
اتطرق فيها الكاتب لموضوع العمالة في دول الخليج ، تداخل الأديان واختلاف الجنسيات 
القصة رائعة بمعنى الكلمة ، مشوقة تشدك من أول صفحة لآخر صفحة 
بعد ماخلصتها ماكان في بالي غير وآآآو  ! 

الحبكة فيها أليمة ~

::

هنا بعض الإقتباسات اللي عجبتني ~

::

::

::

::

::

::

::

::

وبكدا يكون انتهى البوست ~
شاركوني رأيكم لو قريتوها أو قريتو كتب تانية للكاتب 3> :]

سلام ~

Make up Haul ~ مشترياتي الأخيرة

السلام عليكم ~

صباح / مساء الخير 

::

بوست اليوم عن مشترياتي من الميك اب في الفترة الأخيرة

الأشياء كملت أكتر من شهرين و انا كل يوم أقول بكرا أصورها
وفي النهاية صورتها على السريع كمان ولا حق الانتظار xD

و نبدأ بسم الله ~

::

صورة جماعية للأغراض ~
::



مع اني مو قد كدا مع الشدوز

بس من زمان نفسي اشتري Meet Matt و اضمه لمجموعتي ~
واخدت باليت  Revealed , يعتبر بديل لنيكد 3  D:

::

أخدت كمان دا الباليت الصغنون من " كوستال سنتس "
شكله لايقاوم ~ و ألوان جديدة D: 

::

بيبي كريم من " تارت"
جربته قبل فترة عند أختي و حبيته مره D:

::

من " ايلف " أخدت
 باليت الكونتور و البلشر المشهور ، باليت الحواجب ، جل لاينر بني
ماسكرا للحواجب ، كونسيلر 

::

من " كوستال سنتس " كمان أخد دول الباليتين ، واحد مصححات و التاني كونسيلر

::

من" ذا بالم " أخد مزيل الميك اب ، نفسي من زمان أجربه
و الايلاينر اللي كل الناس تمدح فيه D:

::

وأخيراً اسفنجة " ريل تكنيك "

حاليا استخدم " البيوتي بليندر " و مرتاحه معاها ، بس حبيت اجرب دي بالذات مع فرق السعر بينهم ;)

::

بكدا يكون انتهى البوست

سلام ~

كوب الطفل من مذكير ~

السلام عليكم ~

صباح / مساء الخير

::

بوست اليوم عن ~

كوب شرب للطفل من مذركير 

يستخدم للاطفال من عمر 6 شهور 

طبعا في أنواع و ألوان مختلفة و بعضها لأعمار أكبر 

اشتريته عشان يبدأ " خلودي " يشرب منه المويا و يكون سهل عليه 

في البداية عجبني و حسيته انبسط فيه 

بالذات لما جاته فترة التسنين سار يعض بلثته على السيليكون xD

::

الحلو فيه انه له غطا عشان مكان الشرب مايكون مكشوف 

و كمان ماتتكب منه المويا , تنزل منه كمية مناسبة مع مص الطفل للراس 

::

 بس للأسف بعد فتره سارت ريحته من جوا مزعجة مره 

وعلى قد ما غسلته مو راضيه تروح منه الريحه 

تخف لكن اول مااحط فيه مويا ترجع الريحة بعد كم ساعة ! 

عشان كدا اضطريت استغني عنه 

و بدور على واحد من شركة تانيه ان شاءالله 

::

سلام ~

تقييم / كتاب 7:46 لـلكاتب عبدالله المغلوث ~

السلام عليكم

صباح / مساء الخير

::

من زمان عن المدونه ~
اخدنا اجازة عائلية حلوة ، بعدنا عن كل شي
و دحين رجعنا تاني  D:

كل سنه وانتو طيبين أول شي و رمضان مبارك على الجميع 3>

::

بوست اليوم / تقييم لكتاب 46: 7 م للكاتب عبدالله المغلوث

عبارة عن مجموعة قصص و مواقف ، تعطيك دفعة أمل و تفاؤل و إيجابية 
الكتاب ممتع و خفيف ،والأسلوب مشوق و سلس

حبيته 3> 3>

تقييمي : 5\5 

::

وهنا بعض الإقتباسات اللي عجبتني من الكتاب 3>

::

::

::

::

::

::

::

::

::

بكدا يكون انتهى البوست ~
شاركوني رأيكم لو قرأتو الكتاب ~ أو اي كتاب تاني للكاتب 3>

سلام ~

كريم الوجه من لوريال ~ Hydra-Total 5

السلام عليكم 

صباح / مساء الخير 

::

بوست اليوم عن كريم الوجه من لوريال 

Hydra - Total 5 

حسب وصف المنتج انه :

يحتوي على فيتامينات و معادن  بالإضافة لمادتي السيراميد و الأوميقا ، لتلبي احتياجات البشرة الخمسة

1- ترطيب البشرة طوال اليوم بفعل مادة السيراميد
2- تغذية البشرة بالفيتامينات و المعادن
3- انعاش البشرة و الحفاظ على توازنها
4- إضاءة البشرة و جعلها متألقة
5- الوقاية من الشمس

::

تجربتي معاه ~

الكريم أساسه جل ، يعني أخف من باقي الكريمات
ترطيبه حلو و تمتصه البشرة بسرعه ، لكن مايدوم طوال اليوم ~
استخدمه مرتين في اليوم ، و مناسبني جداً

ريحته حلوة ومعطرة ، ويمكن دا الشي السيء فيه
يعني لو بشرتك حساسة ممكن مايناسبك ~

حقي اللون الأخضر للبشرة المختلطة والعادية 

::

كتبت قبل كدا عن كريم قارنييه للوجه واني حبيته

~ هنا ~

لكن احس لوريال اتفوق عليه امتصاصه اعلى و اخف على البشرة
حبيته اكتر ~

::

السعر و مكان الشراء ~

موجود في الصيدليات

والسعر مافتكر تماماً للأسف بس اعتقد في حدود التلاتين 

::

ان شاءالله تكونو استفدتو

شاركوني تجاربكم مع كريمات الوجه .. و ايش منتجكم المفضل =)

سلام ~