أقوم قيلا - للكاتب سلطان الموسى ~

السلام عليكم
صباح / مساء الورد ياجميلات

::

حاسه بالإنجاز الاسبوعين اللي فاتت تقريبا خلصت 3 كتب الحمدلله 
وان شاءالله حكتب عنها كلها D:

::

كتاب اليوم
أقوم قيلا - لـ الكاتب سلطان الموسى

::

بشكل عام الكتاب يناقش الإلحاد والاختلافات بين الأديان 

يحتوي على 11 فصل ~ لكل فصل عنوان و موضوع مختلف 

الفصل الأول: حقيقة وجود الإله.
الفصل الثاني: قراءة في شخصية إبليس.
الفصل الثالث: زميلتي المسيحية.
الفصل الرابع: لماذا الله هو الحق بين الآلهة.
الفصل الخامس: بين غرائب القرآن وعجائبه.
الفصل السادس: رحلتي إلى الفاتيكان.
الفصل السابع: يومٌ مع صالح.
الفصل الثامن: أم مُحجن.
الفصل التاسع: ونفسٍ وما سواها.
الفصل العاشر: حقائق وظواهر طبيعية وأخرى خارقة.
الفصل الحادي عشر: البقرة والعزيز والتابوت

::

حبيت أسلوب الكاتب
و عجبتني بساطة الكتاب ، بالنسبة لدي النوعية من الكتب ~
يعتبر كتاب خفيف لو حاب تقرأ عن الأديان 
بالرغم من اختلافي معاه في أشياء كتير ذكرها في كتابه و بعض تفاسير الآيات !

::

اللي حبيته في الكتاب انه يحفزك على البحث و التأمل أكتر في موضوع الأديان
بسبب التساؤلات الموجودة فيه أو التفاسير اللي ذكرها ~
لكن عموماً احسه لقى رواج أكتر مما يستحق ~
 
تقييمي 2.5 \ 5 

::

هنا بعض الإقتباسات اللي عجبتني من الكتاب ~

وأخيراً مقدمة الكتاب حبيتها كتير ~



||

شاركوني آرائكم لو قرأتوه D:
ويسعدني انضمامكم لأصدقاء المدونة من هنا

سلام ~

الخيميائي - باولو كويلو ~

السلام عليكم
صباح / مساء الورد ~

::

بوست اليوم عن

  رواية الخيميائي - باولو كويلو ~

::

هنا ملخص الرواية المكتوب على الغلاف ~

بشكل عام / سانتياقو يقرر انه يبحث عن أسطورته الخاصة
متحدي العقبات اللي تواجهه ، آخد إشارات العالم بعين الإعتبار عشان يكمل رحلته ~
وتدور أحداث الرواية كلها خلال دي الرحلة 

::

الرواية رآآآئعة ، ماقدر أقول غير انها رائعة !
 أول مابدأتها ماقدرت أوقف قراءة الين خلصتها في ساعتين تقريباً
من نوع الروايات اللي من أول صفحة تأسرك و تخليك مشدود و تبغى تعرف ايش اللي حيسير بعد كدا

حبيت انها مو مجرد قصة راعي و يبغى يحقق حلمه وخلاص !

بالعكس الرواية تحتوي على فلسفة و معنى العميق

وحلم الراعي ممكن يمثل حلم أي واحد فينا ~

 تعطيك دفعة من الايجابية والقوة انك تقدر توصل لحلمك زي ماوصل الراعي ~

تقييمي : 5/5 
وانصح بقراءتها بالتأكيد D:

::

هنا بعض الإقتباسات اللي حبيتها ~

::

شاركوني رأيكم في الرواية لو قرأتوها D:
و يسعدني انضمامكم لقائمة أصدقاء المدونه من هنا 

سلام ~

Tarte - BB tinted treatment & primer

السلام عليكم

صباح / مساء الورد

::

Tarte BB Cream 

حسب الموقع :

البي بي كريم مرطب خالي من الزيوت يعمل كـ :

- برايمر للبشرة ( ممكن تستخدميه قبل الفاونديشن )

-يضيء البشرة و يعتني بها لأنه يحتوي على فيتامين A-E-C 

- واقي من الشمس ( 30 SPF )

- يساعد على تصغير المسام

::

تجربتي معاه:

البي بي كريم قوامه كريمي متوسط ، تغطيته ( خفيفة - متوسطة)
وتقدري تتحكمي فيها لو حابة تزيدي التغطية بزيادة الطبقات و دمجها
خفيف على البشرة ، سهل التوزيع و يندمج مع البشرة بشكل جيد
و يعطي البشرة مظهر مخملي مشرق
  حجمه حلو و سهل التخزين ~

من المميزات اللي حبيتها فيه /
الوقايه من الشمس و دا يخليه مناسب للفترات الصباحية 

بالنسبة لتصغير المسام ماقدر احكم عليها لأني مااعاني منها الحمدلله ~

بشرتي مختلطة عادية ، ناسبني جداً ، وثابت على بشرتي 
دايما اكتفي بتغطيته لوحده ، ماجربت استخدم بعده فاونديشن

 من أفضل البي بي كريمز اللي جربتها ~

::

يتوفر بخمس درجات في الموقع
الدرجة اللي استخدمها ( لايت )

حاولت اوضح لونه بس كانه طالع أغمق في التصوير
لكن لما يندمج على البشرة يطلع بيرفكت ~

::

اخدته من موقع تارت ~ سعره $36

Tarte

::

يسعدني انضمامكم لأصدقاء المدونة من هنا 
مشاركتكم لتجاربكم مع المنتج D:

سلام ~

ليتها تقرأ - خالد الباتلي ~

السلام عليكم

صباح / مساء الورد ~

::

ليتها تقرأ - خالد الباتلي

::

الكتاب عبارة عن مجموعة خواطر وعبارات شاعرية قصيرة

بدأ يكتبها في 2006 و بعد كدا جمعها في دا الكتاب في 2010 ~

::

الكتاب خفيف ، سلس في القراءة

من النوع اللي تبدأي فيه و فجاة تلاقي نفسك في الصفحة الـ 50 xD  

عندي تحفظ على بعض العبارات
أحس الكاتب أسرف في الحب بدرجة مبالغة !

 بشكل عام / ماتوقع اني رح انصح أحد فيه

تقييمي :1 / 5

::

هنا بعض الإقتباسات اللي عجبتني ~

آخر اقتباس حبيته كتير ~ مكتوب على غلاف الكتاب
" أحبها أكثر مما يجب .. وأقل مما تستحق "
" هي خالدة بروحي .. و أنا بها خالد "

3>

::

شاركوني آرائكم لو قرأتو الكتاب ، وياريت ترشحولي كتب حلوة :$

سلام ~

القناع الطيني من The Body Shop ~

السلام عليكم 

صباح / مساء الخير 

::

بوست اليوم عن
القناع الطيني من The Body Shop
Seaweed ionic clay mask



جاتني فترة علقت على الأقنعة الطينية ~
هنا اتكلمت عن قناع Botanic الطيني ~ لو حابين تشوفوه
ولسه باقي كم واحد بكتب عنهم قريب ان شاءالله D:

::



القناع للبشرة المختلطة و الدهنية ~
ينقي و ينظف و يوازن الدهون الزايدة

::



تجربتي معاه ~

قوامه تقيل مره وعطري ، ممكن مايناسب اللي بشرتهم حساسة

 تحطيه على وجهك ورقبتك
وتنتظري الين ينشف تقريبا 8 - 10 دقايق بعدين تغسليه ~
 القناع  مو سهل في الإزلة بعد مايجف ~

تنظيفه حلو و عميق تحسي بشرتك مشرقة و متجددة بعده
بس يحتاجلها ترطيب عالي ~

بس ماحبيت شكل العلبة ، كنت أفضل لو انه عصار

::



متوفر في كل فروع The Body Shop
السعر : 80 ريال ~

::

يسعدني انضمامكم لأصدقاء المدونة من هنا 
سلام ~

كتاب موعد مع الحياة / د. خالد المنيف ~

السلام عليكم 
صباح / مساء الورد ~

::
بوست اليوم عن كتاب /
موعد مع الحياة - للدكتور خالد المنيف 

الكتاب عبارة عن قصص قصيرة ، كل صفحة أو صفحتين قصة
ونهاية كل قصة حكمة  + عبارة مؤثرة 

خفيف و سلس ~ القصص حلوة 

بعضها منتشرة و قريتها قبل كدا بس برضو استمتعت و انا اقراها

تعجبني الكتب اللي ما احس بالوقت وانا أقراها

وحبيت أكتر شي الحكم الموجودة في نهاية القصص ~

تقييمي / 3.5 |5 

::

هنا بعض الإقتباسات اللي عجبتني من الكتاب ~

::

شاركوني رأيكم لو قرأتو الكتاب أو كتب تانية لنفس المؤلف D:
يسعدني انضمامكم لأصدقاء المدونة من هنا 

سلام ~

زبدة الكاكاو الخام ~

السلام عليكم ~
صباح / مساء الورد ياقماري

::

بوست اليوم عن زبدة الكاكو الخام من NOW Solution 

عن المنتج

زبدة الكاكو الخام ~
مرطب للجسم ، مناسب لجميع أنواع البشرة حتى الحساسة 
يستخدم لـ : جفاف البشرة ، علامات تمدد الجلد و الندوب بالإضافة إلى حروق الشمس

خالي من أي إضافات أو ألوان صناعية ~

::

تجربتي ~

الزبدة قوامها صلب زي ماهو واضح في الصورة ، ولا حتى تقدري تاخدي منها بيدك :\

- كنت اكسر منها جزء و ادوبه في المايكرويف عشان استخدمها -

ترطيبها عالي مناسب لأجواء الشتا، بس حسيتها  تاخد وقت أكتر من زبدة الشيا عشان يمتصها الجسم ، ريحتها قووية ، فاللي ماتحب ريحة الكاكو في المنتجات لا تفكر تاخدها !

بشكل عام : حبيت ترطيبها بس ماحبيت فكرة اني ادوبها كل مرة
أفضل الاشياء العملية و السريعة ~

::

الزبدة اخدتها من موقع ايهرب ~

و الموقع يشحن مباشر للسعودية ، لو حابين تطلبو منه

iherb

بكدا يكون انتهى البوست ~ D:
يسعدني مشاركتكم لتجاربكم + انضمامكم لأصدقاء المدونة من هنا 

سلام ~